قاڭتار وقيعاسى: الماتى وبلىسىندا جوعالعان 345 قارۋ ءالى تابىلمادى - ۆيدەو
08:45, 29 - ناۋرىز 2022
تالدىقورعان. قازاقپارات - قاڭتار وقيعاسى كەزىندە الماتى وبلىسىندا جوعالعان 345 قارۋ ءالى تابىلمادى، دەپ حابارلايدى قازاقپارات ءتىلشىسى.
«قاڭتار وقيعاسى كەزىندە جوعالعان قىزمەتتىك قارۋدىڭ 345 داناسى تابىلماي تۇر. كەشە وسىعان وراي جەكە قۇرامدى ونىڭ ىشىندە ۇلتتىق ۇلاننان 150 قىزمەتكەر الىپ، سونىمەن قاتار قالالىق باسقارمانىڭ ماماندارىمەن بىرلەستىرىپ 370 ادام قاپال، اقسۋ، قارابۇلاق اۋىلدارىن ارالاۋ كەزىندە 3 وققاعار تاپتى»، - دەدى الماتى وبلىستىق پوليتسيا دەپارتامەنتىنىڭ باستىعى ارىستانعاني زاپپاروۆ. سونىمەن قاتار، پوليتسيا باستىعى قاڭتار بۇلىگىندە ۇرلانعان قارۋدى قايتارىپ بەرگەندەرگە ەشقانداي جازا قولدانىلمايتىنىن، ياعني اكەپ بەرگەن ادام قىلمىستىق جاۋاپكەرشىلىككە تارتىلمايتىنىن ايتتى.
اۆتور: سامال قابىشەۆا