اقتوبە وبلىسىندا 33 بالا تۇرمىستىق حيميادان ۋلانعان
09:55, 22 - تامىز 2023
استانا. قازاقپارات - 2023 -جىلدىڭ 7 ايىندا اقتوبە كوپسالالى وبلىستىق بالالار اۋرۋحاناسىنا حيميالىق زاتتان ۋلانعان 33 بالا ءتۇستى، دەپ حابارلايدى قازاقپارات Diapazon سايتىنا سىلتەمە جاساپ.
جىل سايىن ۇيلەردە تۇرمىستىق حيميا قۇرالدارىنىڭ، كۇشتى دارىلىك زاتتاردىڭ، ەكزوتيكالىق وسىمدىكتەردىڭ سانى ارتىپ كەلەدى. دارىگەرلەر اتاپ وتكەندەي، وسىعان ساي، بالالاردىڭ ۋلانۋ جاعدايلارى دا جيىلەپ كەتتى.
مامانداردىڭ ايتۋىنشا، كىشكەنتاي بالالاردىڭ ۋلانۋ جاعدايلارى كوبىنە اتا- انالاردىڭ ءقاۋىپتى زاتتار مەن ءدارى-دارمەكتەردى قولجەتىمدى جەردە قالدىرۋىنا بايلانىستى ورىن الادى.
ۋلانۋدىڭ الدىن- الۋدىڭ ەڭ جاقسى جولى - ءدارى-دارمەك، تۇرمىستىق جانە اۆتوحيميانى بالالاردىڭ قولى جەتپەيتىن جەرگە ساقتاۋ: وداردى قۇلىپتاۋلى كۇيدە نەمەسە شكافتىڭ جوعارعى سورەسىندە ساقتاڭىز.
ماماندار ۋلانۋ جاعدايى ورىن العان جاعدايدا دەرەۋ جەدەل جاردەم قىزمەتىنە حابارلاسۋ قاجەت ەكەنىن ەسكە سالادى.
فوتو 60.mchs.gov.ru سايتىنان