وسى اپتادا كۇن 33 گرادۋسقا دەيىن ىسيدى
الداعى كۇندەرى، اتموسفەرالىق فرونتتاردىڭ اسەرىنەن باتىستا، وڭتۇستىكتە، ەلىمىزدىڭ سولتۇستىك ايماقتارىندا كۇن جاڭبىرلى بولادى.
وڭتۇستىك- شىعىستا، 25-26 ساۋىردە شىعىستا تۇندە جاۋىن-شاشىن (جاڭبىر، قار)، كۇندىز جاڭبىر، 25-26-ساۋىردە وڭتۇستىك- شىعىستا قاتتى جاۋىن-شاشىن جاۋادى.
ەلىمىزدىڭ قالعان بولىگىنە باتىس انتيسيكلونىنىڭ اسەرىنەن كۇن اشىق بولادى.
رەسپۋبليكا بويىنشا تۇمان ءتۇسىپ، جەل كۇشەيەدى، باتىستا جانە وڭتۇستىك ايماقتاردا نايزاعاي جارقىلدايدى.
شاڭدى داۋىل سوعادى، شىعىستا تۇندە كوكتايعاق، وڭتۇستىك- شىعىستا كۇندىز بۇرشاق جاۋادى.
كۇندىز اۋا تەمپەراتۋراسى باتىس وڭىرلەردە 23-30 گرادۋس جىلىعا دەيىن، سولتۇستىك-باتىستا، سولتۇستىكتە جانە ەلىمىزدىڭ ورتالىعىندا 20-27 گرادۋس جىلىعا دەيىن، شىعىستا 15-23 گرادۋس جىلىعا دەيىن، وڭتۇستىكتە 25-33 گرادۋس جىلىعا دەيىن، وڭتۇستىك- شىعىستا 17-25 گرادۋس جىلىعا دەيىن بىرتىندەپ جوعارىلايدى.