«BRT جوباسى اياقسىز قالعان»، - دەدى قالا اكىمى المالى اۋدانىنىڭ تۇرعىندارىمەن كەزدەسۋى بارىسىندا.
«مەن ءوزىم BRT جولىمەن ءجۇرىپ كوردىم. جوبانى ىسكە اسىرۋدىڭ بەس جىلى بوسقا كەتتى دەۋگە بولماس، الايدا، ماسەلەلەر بار. سەبەبى، بەس جىل بولدى، جوبا اياقتالماعان. ەگەر BRT ىسكە قوسىلسا، ءتيىستى ينتەرۆال، جىلجىمالى قۇرام، باسقا دا دۇنيەلەر بولۋى كەرەك ەدى. قازىر ونىڭ ەشقايسىسى جوق. مەن جول بويىندا 32- اۆتوبۋستى 33 مينۋت كۇتتىم. سەبەبى، 4 اۆتوبۋس جولعا شىقپاي قالعان. بىزدە قوعامدىق كولىكتىڭ قورى جوق ەكەن. سوندىقتان كەلەسى جىلى قوسىمشا 300 جاڭا اۆتوبۋس پەن 100 تروللەيبۋس ساتىپ الامىز. وسى ارقىلى قوزعالىس ينتەرۆالىن قىسقارتامىز. بۇل قوعامدىق كولىكپەن بايلانىستى ماسەلەنىڭ شەشىلۋىنە از دا بولسا ۇلەس قوسادى»، - دەدى قالا اكىمى.
ەربولات دوسايەۆ BRT- نى سالۋ جۇمىستارى سوڭىنا دەيىن جەتكىزىلەتىنىن ايتتى.
«ەگەر بايقاساڭىزدار، كلاسسيكالىق BRT تيميريازيەۆ پەن بايتۇرسىنوۆ كوشەلەرىنىڭ قيىلىسىنان باستالىپ، بەلگىلەنگەن جولاققا دەيىن جەتەدى. ال جولاقتىڭ وڭ جاعىندا بۇگىندە باعدارشام سايىن كولىكتەردىڭ كەپتەلىسى پايدا بولىپ وتىر. ماسەلەلەر بار جانە ونى ءبارىمىز بىرلەسە وتىرىپ شەشەتىن بولامىز. شىن مانىندە، ەشكىم دە باستالعان جۇمىستى تاستاعالى وتىرعان جوق. BRT- نى سالىپ بىتىرەمىز. ءبىراق، الدىمەن ونىڭ ءتيىمدى جولىن انىقتاپ الۋىمىز كەرەك»، - دەدى ەربولات دوسايەۆ.
اۆتور
دۋمان ارعىنگەلدى