نەمىستىڭ ايگىلى كومپانياسى قىتاي نارىعىنداعى 33 مىڭنان استام كولىگىن كەرى شاقىردى
13:41, 10 - ناۋرىز 2018
استانا. قازاقپارات - نەمىستىڭ ايگىلى Volkswagen كومپانياسى قىتاي نارىعىندا ساتىلعان 33 مىڭ 142 اۆتوموبيلىن درەناجدىق كلاپان اقاۋىنا بايلانىستى كەرى شاقىردى.
بۇل تۋرالى ق ح ر مەملەكەتتىك ساپانى باقىلاۋ جانە تەكسەرۋ باسقارماسىنىڭ سايتىندا جاريالانعان، دەپ حابارلايدى «قازاقپارات» ح ا ا.
بۇل 2014 -جىلدىڭ جەلتوقسانىنان 2017 -جىلدىڭ قاراشاسى ارالىعىندا شىعارىلعان Volkswagen Touareg اۆتوموبيلدەرىنە قاتىستى.
دەرەككوز مالىمەتىنە سۇيەنسەك، درەناجدىق كلاپان اقاۋى قوزعالتقىشتاعى سۋدىڭ اعىپ كەتۋىنە اكەلىپ، سالدارىنان اپاتتىق جاعداي ورىن الۋى ىقتيمال.
كولىك قۇرالدارىن قايتارىپ الۋ جۇمىستارى 30 -ساۋىردەن باستالادى.
فوتو: publika.md