پاۆلوداردا 33- گرادۋس ايازدا باستى شىرشانى ورناتىپ جاتىر
07:18, 22 - قاراشا 2016
استانا. قازاقپارات - پاۆلوداردا 30- گرادۋستىق ايازعا قاراماستان ورتالىق الاڭداعى 30 مەترلىك شىرشا ورناتىلا باستادى.
قالالىق تۇرعىن ءۇي-كوممۋنالدىق شارۋاشىلىعى ءبولىمىنىڭ مالىمەتىنشە، جۇمىستى «بونۋس ستروي» ج ش س جۇرگىزۋدە، دەپ حابارلايدى pavlodarnews.kz.
شىرشا وتكەن جىلدان قالعان ويىنشىقتارمەن بەزەندىرىلەدى. ولاردىڭ ىشىندە گۇل تىزبەسى، پينگۆينداردىڭ وتباسى، جىلقىلار مەن ايۋلاردىڭ شاعىن فورمالارى بار. وسى جىلى پاۆلودارلىقتار ءۇشىن قالالىق مادەنيەت جانە دەمالىس، گاگارين ساياباقتارىندا بيىكتىگى بەس مەترلىك توبەشىك جاسالادى.
ال، قالانىڭ باستى شىرشاسىنىڭ شامدارى تاۋەلسىزدىك كۇنى مەرەكەسىنەن كەيىن جاعىلادى. ايتا كەتۋ كەرەك، بيىل وبلىس ورتالىعىن جاڭا جىلدىق بەزەندىرۋگە 13 ميلليون تەڭگە قاراستىرىلعان.