«1 -شىلدەدەگى دەرەك بويىنشا التى اۋدانداعى 55 ەلدى مەكەندە 3296 ءۇيدى سۋ باسقان. وندا 9809 ادام تۇرادى، سونىڭ 2681 ى بالا. ۇيلەردەن بولەك، الەۋمەتتىك ماڭىزى بار 18 نىسان، 3525 اۋلا دا سۋ استىندا قالعان»، - دەپ مالىمدەدى يركۋتسك وبلىستىق ت ج م باسپا ءسوز قىزمەتى.
ۆەدومستۆونىڭ حابارىنا قاراعاندا، ءتورت ەلدى مەكەن سىرتقى الەمنەن وقشاۋلانىپ قالعان. ولارعا ازىق-تۇلىك، ءدارى-دارمەك جانە باسقا دا كەرەك-جاراقتار جەتكىزىلدى.
سۋ تاسقىنىنان اۆتوموبيل جۇرەتىن 13 كوپىر قيراپ، باستى اۆتوجولداردا قوزعالىس شەكتەلدى.
اپات سالدارىن جويۋعا 1,4 مىڭ ادام جۇمىلدىرىلعان.