اكىمدىك وليمپيادا جۇلدەگەرى نيازىمبەتوۆكە 32 ميلليون تەڭگەگە پاتەر الىپ بەرمەك
«ق ر 2014-جىلدىڭ 3- شىلدەسىندەگى «دەنە شىنىقتىرۋ مەن سپورت تۋرالى» 228№ زاڭىنىڭ 8- بابى بويىنشا، قالالىق، وبلىستىق ماڭىزداعى جەرگىلىكتى اتقارۋشى ورگان وليمپيادا، پاروليمپيادا جانە سۋردوليمپيادا ويىندارىنىڭ جەڭىمپازدارى مەن جۇلدەگەرلەرىن باسپانامەن قامتاماسىز ەتەدى. وسى زاڭنىڭ 47- بابىندا اتالعان سپورتتىق دودالاردىڭ جۇلدەگەرلەرى مەن جەڭىمپازدارىنىڭ باسپانامەن قامتاماسىز ەتۋ ەرەجەلەرى بەلگىلەنگەن. وندا پاتەردىڭ شارشى مەترى تۋرالى تالاپ جوق، الايدا، وليمپيادانىڭ كۇمىس جۇلدەگەرىنە 2 بولمەلى پاتەر بەرىلەدى»، - دەدى ماڭعىستاۋ وبلىستىق دەنە شىنىقتىرۋ جانە سپورت باسقارماسىنداعى دەرەككوز.
ونىڭ ايتۋىنشا، زاڭدا سونىمەن قاتار پاتەردىڭ سپورتشىنىڭ جەكە يەلىگىنە بەرىلەتىندىگى ايقىن كورسەتىلگەن.
«ءيا، ونداي قارجى ءبولىندى، بۇل سومانىڭ وبلىستىق ءماسليحات سەسسياسىندا ءبولىنۋى ماڭىزدى»، - دەدى باسقارماداعى وكىلدەر.
اۆتور: ايدار وسپاناليەۆ