قازاقستان الەمدىك دارىندار رەيتينگىندە 32-ورىنعا تۇراقتادى

استانا. قازاقپارات - حالىقارالىق مەنەدجمەنتتى دامىتۋ ينستيتۋتىنىڭ (IMD، شۆەيتساريا، لوزاننا) الەمدىك باسەكەگە قابىلەتتىلىكتى زەرتتەۋ ورتالىعى الەمدىك باسەكەگە قابىلەتتىلىك رەيتينگىنە قاتىسقان الەمنىڭ 60 ەلىنىڭ جىل سايىنعى «الەمدىك دارىندار ەسەبى-2014» (IMD World Talent Report 2014) ناتيجەلەرىن جاريالادى.

بۇل تۋرالى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتىنەن حابارلادى.

جاڭا رەيتينگ ەلدەردىڭ قىزمەت جاسايتىن كومپانيالار ءۇشىن دارىنداردى دامىتۋ، تارتۋ جانە ۇستاپ قالۋ قابىلەتىن باعالايدى. رەيتينگ 20 كورسەتكىشكە نەگىزدەلگەن، ولاردىڭ اراسىندا ستاتيستيكالىق تا، ساۋالنامالىق تا مالىمەتتەر بار.

رەيتينگتە ەڭ ۇزدىك ەلدەر رەتىندە شۆەيتساريا (1-ورىن)، دانيا (2)، گەرمانيا (3)، فينليانديا (4) جانە مالايزيا (5) تانىلعان. ودان كەيىن يرلانديا، نيدەرلاندى، كانادا، شۆەتسيا جانە نورۆەگيا ورنالاسقان. ءتىزىمنىڭ سوڭىندا وڭتۇستىك افريكا (56)، پەرۋ (57)، حورۆاتيا (58)، ۆەنەسۋەلا (59) جانە بولگاريا (60) تۇر.

قازاقستان ءۇش قۇراما فاكتوردا ورتاشا دەڭگەيدە (32- ورىن) ورنالاسقان. اتاپ ايقاندا، «ينۆەستيتسيالار جانە دامۋ» فاكتورى بويىنشا 30-شى، «تارتىمدىلىق» - 39-شى جانە «دايىندىق» فاكتورىندا 32- ورىندا تۇر.

اۆتور: مارلان جيەمباي