بۇل تۋرالى ق ر باس پروكۋراتۋراسى ارنايى پروكۋرورلار قىزمەتىنىڭ باسشىسى ريزابەك وجاروۆ ايتتى، دەپ حابارلايدى قازاقپارات ءتىلشىسى.
«قاڭتار وقيعا كەزىندە ازاپتاۋ دەرەگى بويىنشا 327 قىلمىستىق ءىس تەرگەلۋدە. ونىڭ ىشىندە 31 قىزمەتكەر قىلمىستىق جاۋاپقا تارتىلدى. مەملەكەت باسشىسىنىڭ تاپسىرماسىنا سايكەس، ءبىز، ارنايى پروكۋرورلار بىرنەشە ءىستى اياقتادىق. ولار سوتقا جولدانعان»، - دەدى ول باس پروكۋراتۋرانىڭ بيىلعى جۇمىسىن قورىتىندىلاۋعا ارنالعان باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.
سونىمەن قاتار ول 31 قىزمەتكەردىڭ قانداي ۆەدومستۆولاردا جۇمىس ىستەيتىندىگىن اتادى.
«ولار ۇلتتىق قاۋىپسىزدىك كوميتەتى مەن ىشكى ىستەر مينيسترلىگىنىڭ قىزمەتكەرلەرى. ياعني، قازىر 2 ۆەدومستۆونىڭ قىزمەتكەرلەرى جاۋاپقا تارتىلىپ جاتىر»، - دەدى ريزابەك وجاروۆ.