قازاقستاندا ەشقاشان جۇمىس ىستەمەگەن 325 مىڭ ايەل بار

استانا. قازاقپارات - قازاقستاندا قانشا جۇمىسسىز ايەل بار جانە وعان نە سەبەپ؟ اتالعان ساۋالعا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا جاۋاپ بەردى، دەپ حابارلايدى قازاقپارات ءتىلشىسى.

«ەلىمىزدە جۇمىس كۇشىنىڭ P ايەلدەرگە تيەسىلى. جۇمىسسىز ايەلدەردىڭ قاتارىندا بالا كۇتىمىنە بايلانىستى ۇيدە وتىرعاندار كىرەدى. سونىمەن قاتار، اۋىل ايەلدەرى بار، ولاردى ەڭبەكپەن قامتۋ قيىنداۋ. جۇمىسسىز ايەلدەر سانىنىڭ ارتۋى وسى سەبەپتەرمەن بايلانىستى دەپ ويلايمىن.

«كۇمىس جاس» جوباسى اياسىندا زەينەت جاسىنداعى ايەلدەر سانى، ولاردىڭ قانشاسى ەڭبەكپەن قامتىلعانى نەمەسە جۇمىسسىز وتىرعانى انىقتالدى.

ەلىمىزدە 50 جاستان اسقان 964 مىڭ ايەل بار. سونىڭ ىشىندە 325 مىڭ ايەل جۇمىسسىز، ياعني ەشقاشان جۇمىس ىستەمەگەن، ەڭبەك ءوتىلى جوق. كوبى سول - بالامەن ۇيدە وتىرعاندار»، - دەدى تامارا دۇيسەنوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ەسكە سالايىق، بۇعان دەيىن ەلىمىزدە جۇمىسسىز ايەلدەر ۇلەسىنىڭ ارتقانى تۋرالى حابارلاعان ەدىك.

Energyprom.kz رەسۋرسىنىڭ دەرەگىنشە، جۇمىسسىز ايەلدەر سانى ءبىر جىلدا بىردەن %4,3 ءوسىپ، وتكەن جىلدىڭ ءۇشىنشى توقسانىندا 257,4 مىڭ ادامعا جەتكەن.