بۇل تۋرالى ق ر د س م قوعامدىق دەنساۋلىق ساقتاۋ ۇلتتىق ورتالىعىنىڭ «سانيتاريالىق- ەپيدەميولوگيالىق ساراپتاما جانە مونيتورينگ عىلىمي- پراكتيكالىق ورتالىعى» فيليالى ديرەكتورىنىڭ ورىنباسارى مانار سماعۇل ءمالىم ەتتى، دەپ حابارلايدى قازاقپارات ءتىلشىسى.
«ۆاكسينانىڭ ءبىرىنشى كومپونەنتىن سالدىرعان سوزىلمالى اۋرۋى بار ادامدار سانى 32314 كە جەتتى. ۆاكسينالاۋدىڭ تولىق كۋرسىن (ەكىنشى كومپونەنتىن) العان وسى ساناتتاعى سوزىلمالى اۋرۋى بار ادامداردىڭ سانى 8397 نى قۇرادى»، - دەدى م. سماعۇل ورتالىق كوممۋنيكاتسيالار قىزمەتىندە. ونىڭ ايتۋىنشا، 60 جاستان اسقان ادامداردىڭ اراسىندا يممۋنداۋ كۋرسىن 121 مىڭنان استام ادام باستادى جانە ونىڭ تولىق كومپونەنتىن 8 مىڭى اياقتادى.
«قازىرگى كەزدە يممۋنداۋدان كەيىن كۇردەلى قولايسىز بەلگىلەر تىركەلمەدى. سونىمەن بىرگە، ۆاكسينا العان ادامداردىڭ 0,4 پايىزىندا بولۋى مۇمكىن رەاكسيالار تىركەلدى، ياعني تەمپەراتۋرا، ەكپە جاساعان جەردىڭ قىزارۋى مەن اۋىرسىنۋى سەكىلدى جالپى بەلگىلەر بايقالدى»، - دەدى مانار سماعۇل.
ايتا كەتەيىك، قازاقستاندا 823 مىڭنان استام ادامعا كوروناۆيرۋس ۆاكسيناسى ەگىلدى.