ال، كەلەر جىلدان باستاپ قازاقستانعا 48 ەلدىڭ ازاماتتارى ارنايى قۇجاتسىز- اق كەلە الادى. جالپى ەلىمىزدە تۋريزم سالاسى قالاي دامىپ جاتىر؟
ۇلتتىق ەكونوميكا مينيسترلىگىنىڭ مالىمەتىنە سۇيەنسەك، بيىل جارتى جىلدا قازاقستانعا شەتەلدەن 320 مىڭ ادام كەلگەن. ال، تۋريستىك كومپانيالاردىڭ 6 ايداعى تابىسى 15 ميلليارد 400 ميلليون تەڭگەگە جەتكەن. راشيدا شايكەنوۆا، قازاقستان تۋريستىك قاۋىمداستىعىنىڭ ديرەكتورى:
- ەلىمىزگە ساياحاتتاپ كەلەتىن شەتەلدىكتەردىڭ سانى جىلدان- جىلعا ارتىپ كەلەدى. وعان ءبىرقاتار مەملەكەتپەن ۆيزاسىز كەلىپ- كەتۋ جۇيەسىنىڭ ەنگىزىلگەنى اسەر ەتتى. زەرتتەۋ ناتيجەلەرى كورسەتكەندەي، شەتەلدىكتەر الماتى، استانا قالالارىنا جانە باتىس قازاقستان وڭىرىنە ءجيى ساپارلايدى ەكەن.
ال، ساراپشىلار «ۇكىمەت تاراپىنان تۋريزمدى دامىتۋعا ەرەكشە كوڭىل ءبولىنۋى كەرەك» دەيدى.
دەنيس كريۆوشەيەۆ، ەكونوميكالىق ساراپشى:
- ەلىمىزدەگى تۋريزم سالاسىن ۇلتتىق كاسىپكەرلىك پالاتاسى، مادەنيەت جانە سپورت مينيسترلىگى مەن يندۋستريا جانە دامۋ مينيسترلىگى بىرلەسىپ دامىتۋى قاجەت. ءبىرى كاسىپكەرلىكتى، ەكىنشىسى مادەنيەتتى، ال ءۇشىنشىسى ينفراقۇرىلىمدى دامىتۋعا كۇش سالسا، جۇمىس جۇيەلى بولادى دەپ ويلايمىن.
سونداي- اق ماماندار ەلىمىزدەگى مادەنيەت سالاسىنا، اسىرەسە ەكولوگيالىق، ەتنوتۋريزمگە ەرەكشە ءمان بەرىلۋى كەرەك دەپ ەسەپتەيدى. شەتەلدىكتەر قازاق جەرىنىڭ اسەم تابيعاتىن تاماشالاۋمەن قاتار جەرگىلىكتى حالىقتىڭ ادەت- عۇرىپ، سالت- داستۇرىمەن تانىسقىسى كەلەدى. كەلەسى جىلى حالىقارالىق «ەكسپو-2017» كورمەسىنىڭ ءوتۋى قازاقستانداعى تۋريزم سالاسىنىڭ دامۋىنا ايتارلىقتاي سەرپىن بەرىپ، ينۆەستورلاردىڭ كەلۋىنە جول اشپاق.