جەلىلەردە ايربۋس ا-320 لاينەرىنىڭ سوڭعى مينۋتتارىنداعى اۋديوجازبا پايدا بولدى
بۇل تۋرالى lenta.ru حابارلايدى.
العاشقى ون سەكۋندتان كەيىن وندا ايعايلار مەن قاتتى سوققىلار ەستىلەدى. 27 - ناۋرىز كۇنى بۇقارالىق اقپارات قۇرالدارى لاينەر قۇلاماي تۇرىپ ەكيپاج كومانديرى اۋە كومپانياسىنىڭ بورتىندا تۇراتىن بالتانىڭ كومەگىمەن ۇشقىشتار كابيناسىنا كىرمەك بولعاندىعىن حابارلادى.
تەرگەۋشىلەر ۇشاقتى قاساقانا قۇلاتتى دەگەن ايىپ تاعىلعان ەكىنشى ۇشقىش اندرەاس ليۋبيتستىڭ ءۇيىن ءتىنتۋ كەزىندە جىرتىلعان انىقتاما تاۋىپ العان. باس پروكۋرور ديۋسسەلدورف رالف حەررەنبريۋكتىڭ ايتۋىنشا، ۇشقىشتىڭ پاتەرىندە قوشتاسۋ حاتى، سونداي-اق ونىڭ ارەكەتىنىڭ ساياسي جانە ءدىني تۇرتكىلەرىن دالەلدەيتىن ەشتەڭە تاپپادى.
سونىمەن قاتار Bild نەمىس تابلويدىنىڭ مالىمدەۋىنشە، ليۋبيتس پسيحياتريالىق ەمدەۋدە بولعان. ول 6 جىل بۇرىن قاتتى دەپرەسسياعا ءتۇسىپ، دارىگەرلەرگە جۇگىنگەن. ەمدەلۋ ءۇشىن وقىپ جاتقان وقۋىنا ءۇزىلىس جاساۋعا ءماجبۇر بولعان. ال ونىڭ جەكە ىسىندە جانە ۇشقىش ليتسەنزياسىندا «وعان ءاردايىم مەديتسينالىق تەكسەرۋدەن ءوتىپ وتىرۋ قاجەت» دەگەن بەلگى تۇر.
26 - ناۋرىز كۇنى مارسەل قالاسىنىڭ پروكۋرورى اۋە اپاتىن تەرگەۋدىڭ الدىن الا ناتيجەلەرى تۋرالى ەسەپ بەردى. وعان سايكەس ليۋبيتس ۇشاق كومانديرى بىرنەشە مينۋتقا شىعىپ كەتكەن ۋاقىتتا ۇشقىشتار كابيناسىن جاۋىپ الىپ، لاينەردى قاساقانا تومەنگە قاراي قۇلاتقان.
24 - ناۋرىز كۇنى بارسەلونادان ديۋسسەلدورفقا ۇشقان Airbus A-320 ۇشاعى ءالپى تاۋلارىنا قۇلادى. ۇشاق بورتىندا 150 ادام بولىپ، بارلىعى قازا تاپتى.
جولاۋشىلار اراسىندا گەرمانيانىڭ، يسپانيانىڭ، ا ق ش- تىڭ، اۆستراليانىڭ، ارگەنتينانىڭ. يراننىڭ، ۆەنەسۋەلانىڭ، كولۋمبيانىڭ، مەكسيكانىڭ، جاپونيانىڭ، ءيزرايلدىڭ، دانيانىڭ، نيدەرلاندىنىڭ، بەلگيانىڭ ازاماتتارى بولعان.
ايتا كەتەيىك، اپات بولعان ۇشاق بورتىندا 3 قازاقستاندىق ازامات بولعان: يمانعاليەۆ ەربول بازارالى ۇلى (1965 -جىلى تۋعان)، ەسەنعاليەۆا ايجان سارىم قىزى (1966 - جىلى تۋعان) جانە يمانعاليەۆ ءادىل ەربول ۇلى (1989 -جىلى تۋعان).
www.24.kz