قىتايدا مەيرامحانادا بولعان جارىلىستان 31 ادام قازا تاپتى
10:38, 22 - ماۋسىم 2023
ينچۋان. شينحۋا- قازاقپارات - قىتايدىڭ سولتۇستىك- باتىسىنداعى نيڭشيا-حۋيزۋ اۆتونوميالىق ولكەسىنىڭ ينچۋان قالاسىندا ورنالاسقان باربەكيۋ مەيرامحاناسىندا جارىلىس بولىپ، 31 ادام قازا تاپتى.
بۇل تۋرالى قازاقپارات شينحۋا اقپارات اگەنتتىگىنە سىلتەمە جاساپ حابارلايدى.
جارىلىس جەرگىلىكتى ۋاقىت بويىنشا شامامەن ساعات 20:40-تا، ينچۋان قالاسىنداعى شينشين اۋدانىندا ورنالاسقان مەيرامحانادا بولدى. وعان سۇيىتىلعان مۇناي گازىنىڭ اعۋى سەبەپ بولعانى حابارلانادى.
نيڭشيا- حۋيزۋ اۆتونوميالىق ولكەسىنىڭ ق ك پ كوميتەتىنىڭ مالىمەتىنشە، جارىلىستان 38 ادام زارداپ شەككەن، ونىڭ 31 ى كوز جۇمدى. قالعان 7 ادامعا مەديتسينالىق كومەك كورسەتىلىپ جاتىر، ولاردىڭ بىرەۋىنىڭ جاعدايى اۋىر.