قاڭتاردا نۇقسان كەلگەن عيماراتتارعا 31 ميلليارد تەڭگە ءبولىندى
«وراسان نۇقسان كەلگەن نىسانداردىڭ ءبىرى - الماتىداعى پرەزيدەنت رەزيدەنتسياسى، وزدەرىڭىز بىلەتىندەي، بۇل نىساندى قالپىنا كەلتىرمەي، بۇزۋ تۋرالى شەشىم قابىلداندى. قالعان 41 نىسان ءۇشىن 31 ميلليارد 100 ميلليون تەڭگە ءبولىندى. 37 نىسان قالپىنا كەلتىرىلدى. بيىلعى قاڭتار ايىندا جەتىسۋ وبلىسى اكىمىنىڭ عيماراتىن قالپىنا كەلتىرۋ اياقتالادى، ناۋرىز ايىندا الماتى قالاسى باس پروكۋراتۋراسىنىڭ قۇقىقتىق ستاتيستيكا جانە اقپارات ورتالىعىنىڭ عيماراتى مەن الماتى قالاسى اكىمىنىڭ عيماراتى قالپىنا كەلەدى. ونى رەكونسترۋكسيالاۋ بيىل ەكىنشى توقساندا اياقتالادى»، - دەپ جاۋاپ بەردى ر. سكليار دەپۋتات ساۋالىنا.
الماتى قالاسىنداعى تەلەراديوكەشەن عيماراتىن دا جوندەۋدەن وتكىزۋ مۇمكىن ەمەس. سوندىقتان، عيمارات قايتا سالىنىپ، جىل سوڭىنا دەيىن اياقتالادى. وعان قوسىمشا مەملەكەتتىك ساراپتاما ارقىلى ناقتىلانعان قاراجات بولىنەدى.
«قازىر مەملەكەتتىك ساراپتاما ءوتىپ جاتىر. كوممەرتسيالىق نىساندارعا كەلسەك، جالپى 356 كوممەرتسيالىق نىسان زارداپ شەكتى. قازىر ولاردىڭ بارلىعى قالپىنا كەلتىرىلدى. 1789 كاسىپكەرلىك سۋبەكتىسى زالالدى تىكەلەي وتەۋگە ءوتىنىم بەردى، بارلىق شاعىن جانە ورتا بيزنەس وبەكتىلەرى بويىنشا 16 ميلليارد 700 ميلليون تەڭگە وتەلدى»، - دەدى ر. سكليار.
بۇعان دەيىن ق ر باس پروكۋرورى بەرىك اسىلوۆ ءبىر كۇندە 8 وبلىستىڭ اكىمدىگىنە شابۋىل جاسالعانىن ايتقان ەدى. تارتىپسىزدىككە قاتىسۋشىلار مۇنى بيلىكتىڭ سيمۆولى رەتىندە باسىپ العىلارى كەلگەن.