بۇل ماسەلە پرەمەر- ءمينيستردىڭ ورىنباسارى – ق ر ساۋدا جانە ينتەگراتسيا ءمينيسترى باقىت سۇلتانوۆتىڭ قاتىسۋىمەن ەۋرازيالىق ەكونوميكالىق كوميسسيا كەڭەسىنىڭ كەزەكتەن تىس وتىرىسىندا قارالدى، دەپ حابارلايدى قازاقپارات ق ر ساۋدا جانە ينتەگراتسيا مينيسترلىگىنىڭ باسپا ءسوز قىزمەتىنە سىلتەمە جاساپ.
«بۇل شارا ىشكى نارىققا يمپورتتالاتىن قانتتى جەتكىزۋ قۇنىن تومەندەتۋگە مۇمكىندىك بەرەدى. ءقازىر ءبىز ءبىرقاتار ەلدەرمەن قانتتىڭ ۇلكەن كولەمىن جەتكىزۋ تۋرالى كەلىسىم سوزدەر جۇرگىزىپ جاتىرمىز. ال قاراشاعا قاراي قازاقستاندىق زاۋىتتاردان دا، ە ا ە و ەلدەرىنەن دە جاڭا داقىلعا قىزىلشا قانتىن جەتكىزۋ باستالادى»، - دەپ ءتۇسىندىردى ب. سۇلتانوۆ.
سونىمەن قاتار، قازاقستان اق قانت پەن شيكى قانتتىڭ باجسىز يمپورتىنا كۆوتا كولەمىن ۇلعايتۋ تۋرالى كەلىسسوزدەر جۇرگىزۋدە. قازىرگى ۋاقىتتا قازاقستاننىڭ كۆوتاسى 2022 -جىلعى تامىزعا دەيىن نولدىك يمپورتتىق كەدەن باجىمەن 350 مىڭ توننا اق قانت پەن شيكى قۇرعاق قانتىن قۇرايدى.