جەل، جاڭبىر، تۇمان: 31-ناۋرىزعا ارنالعان اۋا رايى بولجامى
رەسپۋبليكانىڭ باسىم بولىگىندە انتيتسيكلوننىڭ اسەرىنەن جاۋىن- شاشىنسىز اۋا رايى كۇتىلەدى. تەك ەلدىڭ سولتۇستىگى مەن شىعىسىندا سولتۇستىك- باتىس سيكلوننىڭ اسەرىنەن جاۋىن- شاشىن بولۋى ىقتيمال.
قازاقستان بويىنشا تۇمان، جەلدىڭ كۇشەيۋى، سولتۇستىكتە، شىعىستا - بۇرقاسىن، كوكتايعاق، وڭتۇستىك- باتىستا - شاڭدى داۋىل بولجانىپ وتىر.
سولتۇستىك قازاقستان وبلىسىندا جەلدىڭ كۇشەيۋى 15-20, ەكپىنى 23-28 م/س، ءوڭىردىڭ سولتۇستىگىندە، شىعىسىندا 30 م/س جانە ودان دا اسادى، وڭتۇستىگىندە، باتىسىندا، سولتۇستىگىندە بۇرقاسىن، كوكتايعاق كۇتىلەدى.
قوستاناي وبلىسىنىڭ سولتۇستىگىندە بۇرقاسىن، كوكتايعاق كۇتىلەدى، وبلىسىنىڭ باتىسىندا، ورتالىعىندا تۇمان، جەلدىڭ كۇشەيۋى تۇندە باسىم بولىگىندە، كۇندىز سولتۇستىگىندە، شىعىسىندا 15-20 م/س جەتەدى.
اقمولا وبلىسىنىڭ وڭتۇستىگىندە، شىعىسىندا، باتىسىندا كوكتايعاق، تۇمان، جەلدىڭ كۇشەيۋى 15-20، ەكپىنى 23 م/س. ماڭعىستاۋ وبلىسىنىڭ شىعىسىندا، ورتالىعىندا شاڭدى داۋىل، جەلدىڭ كۇشەيۋى 15-20 م/س كۇتىلەدى.
باتىس قازاقستان وبلىسىنىڭ سولتۇستىگىندە تۇمان، كۇندىز وبلىستىڭ سولتۇستىك- شىعىسىندا جەلدىڭ جىلدامدىعى 15-20 م/س جەتەدى.
اقتوبە وبلىسىنىڭ شىعىسىندا تۇمان، تۇندە وبلىستىڭ سولتۇستىگىندە جەل كۇشەيەدى - 15-20 م/س. الماتى وبلىسىنىڭ سولتۇستىك- شىعىسىندا جەلدىڭ كۇشى 15-20, ەكپىنى 25 م/س، تۇندە جانە تاڭەرتەڭ وبلىستىڭ تاۋلى اۋداندارىندا تۇمان ءتۇسۋى ىقتيمال.
جامبىل وبلىسىنىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا جەل 15-20، كەي ۋاقىتتاردا 23 م/س دەيىن كۇشەيەدى، تۇندە جانە تاڭەرتەڭ ءوڭىردىڭ وڭتۇستىگىندە، سولتۇستىك- شىعىسىندا، تاۋلى اۋداندارىندا تۇمان كۇتىلەدى.
شىعىس قازاقستان وبلىسىنىڭ باتىسىندا، وڭتۇستىگىندە، ورتالىعىندا جەل 15-20 م/س، تۇندە وبلىستىڭ سولتۇستىك- شىعىسىندا، شىعىسىندا تۇمان تۇسەدى. پاۆلودار وبلىسىنىڭ باتىسىندا، سولتۇستىگىندە جەل 15-20 م/س دەيىن كۇشەيەدى. اتىراۋ وبلىسىنىڭ باتىسىندا تۇمان بولادى.