«نۇر-سۇلتان قالاسى پوليتسەيلەرى كارانتين رەجيمىن ساقتاۋ بويىنشا شارالاردى قابىلداۋدى جالعاستىرۋدا. تالاپتاردى بۇزۋعا جول بەرگىزبەۋ ماقساتىندا ءتيىستى نىساندارعا ەرەكشە ءمان بەرىپ وتىر. وسى ورايدا كوڭىل كوتەرەتىن ورىندار، ءدامحانالار مەن مەيرامحانالار، كاراوكە، بار، ساۋدا ورىندارى قامتىلعان. پوليتسيا كۇن سايىن كاسىپكەرلىك سۋبەكتىلەرى بويىنشا رەيدتەر جۇرگىزىپ، كارانتيندى بۇزعانداردى انىقتاپ، ولاردى جاۋاپكەرشىلىككە تارتۋدا»، - دەلىنگەن قالالىق پوليتسيا دەپارتامەنتى مالىمەتىندە.
بەلگىلى بولعانداي، ءبىر تاۋلىكتە كاسىپكەرلىكتىڭ 132 نىسانى تەكسەرىلگەن. ەرجە بۇزعانداردىڭ بارلىعى اكىمشىلىك جاۋاپكەرشىلىككە تارتىلدى. اتاپ ايتقاندا، 13-قازان كۇنى «مافيا» ويىن كلۋبىندا كارانتين تالابىن بۇزۋ فاكتىسى انىقتالدى، ونداعى تار جەردە كامەلەتكە تولماعان 10 بالا بولعان. بۇل تۇرعىدا پوليتسيا دەپارتامەنتىنىڭ وكىلدەرى كارانتين رەجيمىن بۇزىلعاندار زاڭناماعا سايكەس جاۋاپكەرشىلىككە تارتىلاتىنىن ەسكەرتتى.
اۆتور: رۋسلان عابباسوۆ