بلوگ كۇنى
العاش رەت 2005-جىلى اتاپ وتىلگەن. مەيرامنىڭ ءدال وسى كۇنگە بەلگىلەنۋى مىناعان بايلانىستى: blog ءسوزىن سان رەتىندە ەلەستەتسە، 3108 گە ۇقسايدى، ياعني وسىلايشا 31- تامىز پايدا بولادى.
بلوگ كۇنىنىڭ نەگىزگى مىندەتى - بلوگەرلەرگە ءارتۇرلى ەلدەردەگى ارىپتەستەرىمەن تانىسۋعا مۇمكىندىك جاساۋ.
ەستە قالار وقيعالار
1992-جىلى ق ر مەملەكەتتىك قويماسى باعالى مەتالداردىڭ العاشقى پارتياسىن قابىلدادى. ولاردىڭ قاتارىندا «ءتورت توعىزدىق» ساپاسىنداعى التىننىڭ 5 كەسەگى جانە 2 كۇمىس كەسەك بولدى.
2007-جىلى تارازدا ابايدىڭ ەسكەرتكىشى ورناتىلدى. گرانيت تۇعىرىندا اشىلعان كىتاپ ورنالاسقان. ءبىر بەتىندە - ۇلى اقىن، فيلوسوفتىڭ ءمۇسىنى، ەكىنشىسىندە - ءاربىر قازاقتى ءبىر-بىرىنە دوس رەتىندە قاراۋعا شاقىراتىن قارا سوزدەرى جازىلعان. ەسكەرتكىشتىڭ بيىكتىگى - ءتورت مەتر.
2010 -جىلى جەتىسۋ الاتاۋى جوتاسىنىڭ سولتۇستىك تاۋ بوكتەرىندە جوڭعار-الاتاۋ مەملەكەتتىك ۇلتتىق تابيعات پاركى اشىلدى. بۇل اۋماقتا قىزىل كىتاپقا ەنگەن، جويىلۋ قاۋپى الدىندا تۇرعان سيۆەر الماسى وسەدى. جوڭعار- الاتاۋ مەملەكەتتىك ۇلتتىق تابيعي پاركىنىڭ جالپى اۋماعى 356022 گەكتار جەردى قۇرايدى.
2012 -جىلى قازاقستاننىڭ تاۋلىك بويى حابار تاراتاتىن «24KZ» تۇڭعىش جاڭالىقتار تەلەارناسى ىسكە قوسىلدى. تەلەارنا الەمدە بولىپ جاتقان وقيعالار تۋرالى اۋقىمدى اقپارات بەرىپ، قازاقستاندا بولىپ جاتقان جاڭالىقتاردان حاباردار ەتەدى. «24KZ» «وتاۋ ت ۆ» ۇلتتىق سپۋتنيكتىك جەلىسى ارقىلى جانە كابەلدىك جەلىلەردە كورسەتىلەدى.
2013 -جىلى وسكەمەندە جازۋشى ورالحان بوكەيدىڭ ەسكەرتكىشى اشىلدى. ورالحان بوكەي ەسكەرتكىشىنىڭ اۆتورلارى - بەلگىلى وسكەمەندىك مۇسىنشىلەر ۆلاديمير سامويلوۆ پەن ەۆگەني نەپيانوۆ. ورالحان بوكەي 1943-جىلى شىعىس قازاقستان وبلىسى قاتونقاراعاي اۋدانىندا دۇنيەگە كەلگەن.
العاشقى اڭگىمەلەر جيناعى «قامشىگەر» 1970-جىلى شىقتى. ورالحاننىڭ كىتاپتارى نەمىس، سلوۆاك، بولگار، اعىلشىن، ۆەنگر، اراب، قىتاي، جاپون جانە بۇرىنعى س س س ر ەلدەرىنىڭ تىلدەرىنە اۋدارىلدى.
2014 -جىلى WBA (Super) جانە IBO نۇسقالارى بويىنشا بوكستان الەم چەمپيونى قازاقستاندىق گەننادي گولوۆكين «10 جويقىن پانچەردىڭ» رەيتينگىنە ەندى.
2016 -جىلى ق ر پرەزيدەنتى نۇرسۇلتان نازاربايەۆ استانادا قازاقستاننىڭ ۇلتتىق حورەوگرافيا اكادەمياسىنىڭ اشىلۋىنا قاتىستى.