اتىراۋدا 31 قىزىل بالىق «ەلەكتروندىق پاسپورت» الدى
وسى جوبا اياسىندا كوكتەمدە اۋلانعان 31 قىزىل بالىق «ەلەكتروندىق پاسپورت» - چيپ الدى.
«بۇل يحتيولوگ، عالىمدار بەكىرە شاباقتارىن وسىرۋمەن اينالىسا وتىرىپ، كوكتەمدە «قىزىل بالىقتى نەمەسە بەكىرەنى اۋلاي ما، الدە جوق پا؟» دەپ بالىقشىلارعا تاۋەلدى بولماس ءۇشىن جاسالۋدا. ولار بەكىرە شارۋاشىلىعى زاۋىتى توعانىنداعى بالىقتان شاباقتار الا الادى. بۇل عىلىمي جۇمىس بيىل بالىقشىلار اۋلاعان قىزىل بالىققا «ەلەكتروندىق پاسپورت» - چيپ بەرىلگەننەن كەيىن باستالادى.
اقپارات چيپتەلگەن بالىقتىڭ جۇزبەقاناتىنىڭ بولىگىنە ورنالاستىرىلعان شىنى تۇتىكشەدە ساقتالادى. بۇل نەبارى 3-4 ميلليمەتر، بۇدان بالىق زارداپ شەكپەيدى. زەرتحانادا مولەكۋليارلىق- گەنەتيكالىق تالداۋ جاسالادى. ونىمەن رەسەيلىك ارىپتەستەرىمەن بىرلەسىپ، «قازبشعزي» عالىمدارى اينالىسادى، دەدى جەرگىلىكتى بالىقشىلارعا جاردەم كورسەتۋ ءۇشىن اتىراۋعا ارنايى كەلگەن ج ش س- نىڭ باس عالىم حاتشىسى گۇلميرا شالعىمبايەۆا.
بەكىرە بالىقتارىنا بەرىلگەن گەنەتيكالىق پاسپورت بىزگە جاقىن تۋىستىق بۋدانداستىرۋدى بولدىرماۋعا مۇمكىندىك بەرەدى. بۇل ارقىلى، ءوز كەزەگىندە، ورال- كاسپي باسسەينىندە بالىقتىڭ بەكىرە ءتۇرىنىڭ ومىرشەڭ تۇقىمىن الۋعا بولادى.
«وتكەن جىلى چيپ ورناتىلعان بەكىرەلەر مەن شوقىر كاسپيي بەكىرە بالىقتارى ءۇيىرىنىڭ نەگىزىن قالايدى. ونى قۇرۋ - ءۇش جىلعا باعدارلانعان تۇتاس باعدارلاما. تابيعي ورتادا شوقىر، اقسەركە جانە بەكىرە ازايىپ قالدى. توعاندا تىرشىلىك ەتەتىن بالىقتار عالىمدارعا دا ولاردىڭ ءوسىپ- ءونۋىن قالپىنا كەلتىرۋگە كومەكتەسۋى ءتيىس»، - دەدى شالعىمبايەۆا.