«سونىمەن قاتار ەاەو اۋماعىنان 938309 ادام كەلدى. 6 - اقپان مەن 1 - ناۋرىز ارالىعىندا ق ح ر- دان 32456 ادام كەلدى. سانيتارلىق دارىگەردىڭ قاۋلىسىنا ساي، ساناتتار بويىنشا ايتا كەتەيىن. 1 ا ساناتىنداعى، ياعني قىتايدان كەلگەن 20 - اقپان مەن 4 - ناۋرىز ارالىعىندا 315 ادام (64- ءى قازاقستان ازاماتى، 251-شەتەلدىكتەر، ونىڭ ىشىندە 248- ءى قىتاي ازاماتى) قازىرگى تاڭدا كارانتيندە جاتىر. يران يسلام رەسپۋبليكاسىنان وسى ارالىقتا 24 ادام كەلگەن. ونىڭ ىشىندە قازاقستاندىقتار – 9، قالعان 15- ءى يراندىقتار»، - دەدى قازمەديادا وتكەن باسپا ءسوز ءماسليحاتىندا دياس احمەتشارىپ.
قازىرگى ۋاقىتتا 63 ادام لابوراتوريالىق تەكسەرۋدەن ءوتىپ، ولاردان ۆيرۋس انىقتالماعان.
«1 ب ساناتىنا قىتايدىڭ گونك- كونگ ارنايى اكىمشىلىك اۋدانى، سول سياقتى ماكاو، تايۆان، جاپونيا جانە يتاليا كىرەدى. وسى 1 ب ساناتى بويىنشا ءۇي كارانتينىندە 512 ادام جاتىر. ونىڭ ىشىندە 393- ءى قازاقستان ازاماتى بولسا، 119-ى — شەتەلدىكتەر، اتاپ ايتقاندا 50- ءى كورەيا، 65- ءى يتاليا، 4-ەۋى جاپونيا ازاماتى. جرۆي جانە تۇماۋ بەلگىلەرىمەن 12 ادام ستاتسيونارعا جاتقىزىلدى. ونىڭ 9-ى كورەيادان كەلگەن. يتاليادان 1 ادام جانە مالتادان كەلگەن 1 ادام بار»، - دەدى ول.
سونداي- اق، سينگاپۋر، تايلاند جانە ازەربايجان ەلدەرىنەن 20 - اقپان مەن 3 - ناۋرىز ارالىعىندا 1965 ادام مونيتورينگىگە الىنىپ، العاشقى 14 كۇندىك دارىگەردىڭ باقىلاۋىنا الىنعان.
«1 ادام قاشىقتىق باقىلاۋدا. 15 ادام لابوراتوريالىق تەكسەرۋدەن ءوتتى. ونىڭ 14- ءى ۆيرۋس انىقتالعان جوق. قالعان ءبىر اناليز ءالى تەكسەرىلۋدە. 1- اقپاننان باستاپ ەكىنشى سانات بويىنشا جرۆي جانە تۇماۋ بەلگىلەرىمەن اۋرۋحانالارعا 23 ادام جاتقىزىلدى»، - دەدى ول.
اۆتور: ايان بەكەن ۇلى