استانادا تىلدەردى دامىتۋعا قوسىمشا 310 ميلليون تەڭگە كەرەك – باسقارما
«2022 -جىلدىڭ ەكىنشى توقسانىندا بيۋدجەتتى ناقتىلاۋعا تىلدەردى دامىتۋ باسقارماسىنان ۇسىنىلعان وتىنىمدەرگە بايلانىستى قاراجاتتىڭ جالپى سوماسى - 310 ميلليون 859 مىڭ تەڭگە. ونىڭ ىشىندە ءتىل ساياساتىن جۇزەگە اسىرۋعا ارنالعان شارالارعا - 110 ميلليون 10 مىڭ تەڭگە، ال ارحيۆ ءىسىن دامىتۋعا ارنالعانى - 200 ميلليون 849 مىڭ تەڭگە»، - دەگەن باسقارما باسشىسى بۇل اقشانىڭ قانداي شارالارعا جۇمسالاتىنىن ءتىزىپ بەردى.
«مەملەكەتتىك ءتىلدى جانە قازاقستان حالقىنىڭ باسقا دا تىلدەرىن دامىتۋعا 90 ميلليون 10 مىڭ تەڭگە سۇرالىپ وتىر. ونىڭ ىشىندە زيالى قاۋىم وكىلدەرىمەن ءار ءتۇرلى باعىتتا تانىمدىق شارالار وتكىزۋ، وقۋ ورىندارىندا كەزدەسۋلەر سەرياسىن وتكىزۋ باعىتى بويىنشا 15 ميلليون تەڭگە سۇراپ وتىرمىز. حالىقارالىق قازاق ءتىلى قوعامىنىڭ الەۋەتىن تارتا وتىرىپ، «كورنەكى اقپارات» دەگەن ارنايى جوبانى جۇزەگە اسىرۋعا 8 ميلليون تەڭگە قاجەت»، - دەيدى ول.
باسقارما باسشىسىنىڭ ايتۋىنشا، بۇل - ق ر مەملەكەت حاتشىسىنىڭ تىكەلەي تاپسىرماسى بويىنشا قولعا الىنعان جوبا.
«قالانىڭ ءىرى ساۋدا ورىندارىندا، پاركتەردە، بازارلار مەن قوعامدىق ورىندارىندا اۋديوروتاتسيا ورناتۋعا سۇرالاتىن قارجى كولەمى - 9 ميلليون تەڭگە. ابايدىڭ قارا سوزدەرىنەن باستاپ ماقال- ماتەلدەر، ناقىل سوزدەر، پوەزيا ۇزىندىلەرى جىل سوڭىنا دەيىن اتالعان ورىنداردا ويناپ تۇرادى»، - دەدى ساكەن ەسىركەپ.
بۇعان دەيىن جازعانىمىزداي، ق ر ۇلتتىق ەكونوميكا ۆيتسە- ءمينيسترى ازامات ءامرين جاڭا باستامالار بويىنشا ليميتتەر بيۋدجەت شىعىستارىنىڭ ءوسۋ قارقىنى نەگىزىندە ايقىندالاتىنىن ايتقان بولاتىن.
اۆتور: ەسىمجان ناقتىباي