ءبىلىم سالاسىندا 30 جىلدان استام ەڭبەك ەتكەن ۇستاز «ەڭبەك ارداگەرى» مەدالىن الادى
«پەداگوگتاردى ماراپاتتاۋ تەتىكتەرىن وزگەرتۋ ماسەلەسى پىسىقتالىپ جاتىر. «ماراپات ءوز يەسىن تابادى» حالىق دانالىعى بار. مۇعالىم قوعامنىڭ باستى تۇلعاسىنا اينالۋعا ءتيىس. قازاقتىڭ ۇلى اعارتۋشى اقىنى ماعجان جۇمابايەۆ «التى الاشتىڭ بالاسى باس قوسسا، ءتور - مۇعالىمدىكى» دەپ ايتىپ كەتكەن»، - دەدى مينيستر ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە.
ونىڭ اتاپ وتۋىنشە، مينيسترلىككە پەداگوگتار تاراپىنان ۇزاق جىلدار بويى جۇمىس ىستەسە دە، ەڭبەگىنە وراي ەش ناگرادا الماعانى جايلى شاعىم ءجيى تۇسەدى.
«ءبىزدىڭ ءارقايسىمىز ءۇشىن ۇستاز - ءومىر جولىمىزدى ايقىندايتىن، تۇلعا بولىپ قالىپتاسۋىمىزعا نەگىز قالايتىن ادام. ۇستازدار تالاي ۇرپاقتى وقىتىپ، تاربيەلەيدى. سوندىقتان دا ءبىز پەداگوگتىڭ بۇرىنعى يميدجىن ودان سايىن كوتەرۋگە مىندەتتىمىز. ول ءۇشىن مينيسترلىك ءبىلىم سالاسىندا 30 جانە ودان دا كوپ جىل جۇمىس ءوتىلى بار مۇعالىمدەردى «ەڭبەك ارداگەرى» مەدالىمەن ماراپاتتاۋ جونىندە شەشىم قابىلدادى»، - دەدى عاني بەيسەمبايەۆ.