تالدىقورعاندا ۋچاسكەلىك پوليتسيا قىزمەتكەرلەرى 30-عا جۋىق ساۋدا ورنىن زاڭسىز تەكسەرگەن
«باقىلاۋشى مەملەكەتتىك ورگانداردىڭ زاڭسىز ارەكەتتەرىنەن 2 مىڭعا جۋىق كاسىپكەردىڭ قۇقىعى قورعالدى. مىسالى، سالىق ورگاندارى مىڭنان استام جەكە كاسىپكەرگە زاڭمەن قاراستىرىلماعان شەكتەۋ شارالارىن (سالىق بۇيرىعى) قويعان. قاداعالاۋ اكتىسى نەگىزىندە ولار زاڭسىز دەپ تانىلىپ، كۇشى جويىلدى»، - دەدى جەتىسۋ وبلىسىنىڭ پروكۋرورى ماديار باسشىبايەۆ.
تالدىقورعان قالاسىندا ۋچاسكەلىك پوليتسيا قىزمەتكەرلەرى 30-عا جۋىق ساۋدا ورنىن زاڭسىز تەكسەرۋگە جول بەرگەن. پروكۋرورلىق قاداعالاۋ اكتىلەرى بويىنشا 13 لاۋازىمدى تۇلعا تارتىپتىك جاۋاپكەرشىلىككە تارتىلدى.
پروكۋراتۋرانىڭ بازاسىندا قۇرىلعان «موبيلدى توپتار» كاسىپكەردىڭ قۇقىعىن بۇزۋ جايلى 33 سيگنالدى قابىلداپ، ولار بويىنشا ءتيىستى شارالار قابىلدادى. توپ قىزمەتىنىڭ تيىمدىلىگىن ارتتىرۋ ماقساتىندا ارنايى «موبيلدى قوسىمشا» ازىرلەنىپ، ول كوپشىلىكتىڭ نازارىنا ۇسىنىلدى.