چەمپيوندىعىن قورعاعان قازاق قارسىلاسىن 30 سەكۋندتا نوكاۋتقا ءتۇسىردى
21:12, 20 - اقپان 2023
استانا. قازاقپارات - ارالاس جەكپە-جەكتىڭ قازاقستاندىق شەبەرى دامير تولەنوۆ 30 سەكۋندتا جەڭىسكە جەتتى، دەپ حابارلايدى Vesti.kz.
19- اقپاندا ول ەڭ جەڭىل سالماقتا OCTAGON ليگاسى چەمپيونى اتاعىن قورعادى. بۇل جەكپە-جەك الماتىدا وتكەن OCTAGON 41 تۋرنيرىنىڭ باستى ايقاسى بولدى.
جەڭىلىپ كورمەگەن تولەنوۆتىڭ قارسىلاسى تاجىكستاندىق شەرزود يبوديلويەۆ ەدى. دامير قارسىلاسىن ءبىرىنشى راۋندتا-اق 30 سەكۋندتا نوكاۋتقا ءتۇسىردى، يبوديلويەۆ ءۇشىن بۇل م م ا- دەگى العاشقى جەڭىلىس.