ەۆاكۋاتسيا سۋمى، حاركوۆ جانە دونەتسك ايماقتارىنىڭ تۇرعىندارىن قامتىعان. بۇل تۋرالى پرەزيدەنت ۆلاديمير زەلەنسكيدىڭ ءوزى ايتتى. سونداي- اق پرەزيدەنت كەڭسەسى باسشىسىنىڭ كەڭەسشىسى ميحايل پودولياك رەسەيمەن اراداعى كەلىسسوز بۇگىن دە جالعاساتىنىن جەتكىزدى. ول «وتە اۋىر اڭگىمە بولىپ جاتىر، قاراما- قايشىلىقتار بار، ءبىراق ءتىل تابىسۋعا ءۇمىت جوق ەمەس» دەپ مالىمدەگەن.
بۇدان باسقا ۋكراينانىڭ ۆيننيتسا قالاسىنا حالىقارالىق « قىزىل كرەست» ۇيىمىنان 200 توننا گۋمانيتارلىق كومەك جەتكىزىلدى. 11 جۇك كولىگىنە اۋىز سۋ، تازالىق جانە مەديتسينالىق زاتتار تيەلگەن. بۇل كومەك ەلدىڭ بۇكىل ايماعىنا تاراتىلادى.
فلوريان سەريەكس، «قىزىل كرەست» ۇيىمىنىڭ وكىلى:
- ءبىز اكەلگەن زاتتاردىڭ ىشىندە وپەراتسيا جاساۋعا، دەنە جاراقاتتارىن ەمدەۋگە ارنالعان ماتەريالدار جانە كورپە- جاستىق بار. بۇل نارسەلەر، اسىرەسە، وق ءتيىپ جارالانعان نەمەسە ءۇيىن تاستاپ، ۋاقىتشا ورتالىقتارعا ورنالاستىرىلعان ادامدار ءۇشىن اۋاداي قاجەت. ارينە بۇل كومەكتىڭ تامشىداي عانا ەكەنىن جاقسى تۇسىنەمىز. تۇرعىندارعا ەڭ ءبىرىنشى كەزەكتە ازىق- تۇلىك، اۋىز سۋ كەرەك. گۋمانيتارلىق وپەراتسيا الداعى ۋاقىتتا دا جالعاسا بەرمەك.
www.24.kz