قالالىق پوليسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى «قۇقىقتىق ءتارتىپ» جەدەل الدىن الۋ شاراسى بارىسىندا قوماقتى قارىزى بار 32 جاستاعى كاسىپكەردى تاپتى.
«بەلگىلى بولعانداي، كاسىپكەرلىكپەن اينالىسقان ەر ادام ۋاقىتىلى سالىق تولەمەگەندىكتەن بورىشى 29799087 تەڭگەگە جەتكەن. ول باسقارىپ كەلگەن ج ش س سوت شەشىمىمەن بانكروت بولىپ تانىلىپ، سۋبسيديارلىق جاۋاپكەرشىلىككە تارتىلعان. الايدا سوت ورىنداۋشىسى بورىشكەردى تابا المادى. ءسويتىپ، كاسىپكەرگە ىزدەۋ جاريالاعان»، - دەدى باسقارما باستىعى اندرەي مۋلا.
پوليتسەيلەر مەن كوشى- قون قىزمەتىنىڭ ماماندارى بىرلەسىپ، بورىشكەردىڭ مەكەنجايىن انىقتادى. كوپ ۇزاماي ەر ادام ۇستالعان. قازىرگى ۋاقىتتا ىسپەن سوت ورىنداۋشىسى اينالىسىپ جاتىر.