ءا. ءشارىپوۆ كوشەسىنىڭ تۇرعىندارى اكىمدىكتەن كورشىلەرىنە قولايسىزدىق تۋدىرعان ايەلگە قاتىستى شارا قولدانۋدى وتىنگەن. المالى اۋدانى اكىمدىگىنىڭ وكىلدەرى ۆەتەرينارلىق - سانيتارلىق قىزمەتپەن بىرگە اتالعان مەكەنجايعا باردى. ماماندار مىسىقتاردى اۋلاپ، پاتەردى تۇرمىستىق قالدىقتاردان تازارتتى.
قالالىق پوليتسيا دەپارتامەنتى ءمالىم ەتكەندەي، الماتىلىق ايەل مىسىقتاردى اسىراۋ جانە سەرۋەندەتۋ ەرەجەلەرىن بۇزعانى ءۇشىن ق ر اكىمشىلىك قۇقىق بۇزۋشىلىق تۋرالى 408- بابى بويىنشا جاۋاپقا تارتىلدى. زاڭدا بۇل باپ بويىنشا قۇقىقبۇزۋشىعا ەسكەرتۋ نەمەسە ءۇش ايلىق ەسەپتىك كورسەتكىش (8751 تەڭگە) مولشەرىندە ايىپپۇل قاراستىرىلعان.