«باسەكەلەستىك ساياساتىن دامىتۋ جانە قورعاۋ ورتالىعىمەن بىرلەسىپ وتكىزىپ جاتقان قازاقستان رەسپۋبليكاسىنىڭ مونوپولياعا قارسى قىزمەتىنىڭ 30 جىلدىعىنا ارنالعان دوڭگەلەك ۇستەل قاتىسۋشىلارىن قازاقستاننىڭ مونوپولياعا قارسى ورگانى اتىنان جانە ءوز اتىمنان شىن جۇرەكتەن قۇتتىقتايمىن. تۋرا 30 جىل بۇرىن 1991-جىلعى 7- ماۋسىمدا سول كەزدەگى قازاق ك س ر پرەزيدەنتىنىڭ 330№ جارلىعىمەن قازاقستاننىڭ العاشقى مونوپولياعا قارسى ورگانى قۇرىلدى. بيىلدان باستاپ ۇكىمەتتىڭ شەشىمىمەن كاسىبي مەرەكە رەتىندە بەكىتىلگەن «مونوپولياعا قارسى ورگان قىزمەتكەرى كۇنىنە» ەرەكشە ءمان بەرەتىنىمىزدى ايتقىم كەلەدى»، - دەدى ق ر باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين دوڭگەلەك ۇستەلدىڭ اشىلۋىندا.
دوڭگەلەك ۇستەلگە بەلارۋس، رەسەي، قىرعىزستان، ارمەنيانىڭ مونوپولياعا قارسى قىزمەتىنىڭ وكىلدەرى قاتىسۋدا. اگەنتتىك ءتوراعاسى ارىپتەستەرىن مەرەيتويلىق داتامەن قۇتتىقتادى.
«مونوپولياعا قارسى قىزمەتكە قاتىسى بار بارلىق ارىپتەستەرىمدى، دوستارىمدى ورتاق مەرەكەمىزبەن قۇتتىقتايمىن، سونداي-اق قازاقستاننىڭ مونوپولياعا قارسى ورگانىنىڭ قۇرىلۋى مەن قالىپتاسۋىنىڭ باستاۋىندا تۇرعان ادامدارعا ۇلكەن العىسىمدى بىلدىرەمىن»، - دەدى اگەنتتىك باسشىسى.