ەلوردادا اۋا تەمپەراتۋراسى 30 گرادۋستان جوعارى بولادى، دەپ حابارلايدى ەلوردا اكىمدىگىنىڭ رەسمي سايتى «قازگيدرومەت» ر م ك- عا سىلتەمە جاساپ
25-26 - مامىردا قازاقستان اۋماعىندا اۋا رايى ىستىق بولادى. وڭتۇستىكتەن جىلى جانە قۇرعاق اۋا كەلەدى.
«ەلدىڭ باتىسىندا 30...39 گرادۋس، ءتىپتى سولتۇستىك جارتىسىندا دا تەرمومەتر باعانى كۇندىزگى ۋاقىتتا سيرەك بايقالاتىن 32...38 گرادۋس كورسەتەدى. رەسپۋبليكانىڭ وڭتۇستىك جانە شىعىس اۋماعى دا ىستىق بولادى، وڭتۇستىكتە 30.. 40 گرادۋس ، شىعىستا 30... 36 گرادۋسقا جەتەدى. الايدا، 27 - مامىردان باستاپ باتىس، سودان كەيىن سولتۇستىك ايماقتارعا باتىس ەۋروپادان كەلەتىن انتيسيكلون اسەر ەتە باستايدى. ناتيجەسىندە باتىس وڭىرلەردە تەمپەراتۋرانىڭ 25...33 گرادۋسقا دەيىن، سولتۇستىكتە 18...28 گرادۋسقا دەيىن تومەندەيدى» دەپ حابارلادى «قازگيدرومەت» ر م ك.
ەرتەڭ، 26 - مامىردا ەلوردادا جاۋىن- شاشىنسىز اۋا رايى كۇتىلەدى. سولتۇستىك- شىعىستان 9-14 م/س جىلدامدىقپەن جەل سوعادى، اۋا تەمپەراتۋراسى تۇندە 18-20 گرادۋس، كۇندىز 34-36 گرادۋس جىلى بولادى. 27 - مامىردا وڭتۇستىك- باتىستان 9-14 م/س جىلدامدىقپەن جەل سوعادى، ەكپىنى 15-20 م/س جەتەدى. اۋا تەمپەراتۋراسى تۇندە 16-18، كۇندىز 26-28 گرادۋس جىلى بولادى.