اتاۋلى كۇندەر
حالىقارالىق دجاز كۇنى
العاش رەت 2012 -جىلى اتاپ ءوتىلدى. جاڭا اتاۋلى كۇننىڭ كۇنتىزبەگە ەنگىزىلەتىنى تۋرالى UNESCO باس كونفەرەنتسياسى 2011 -جىلعى قاراشادا جاريالاعان ەدى.
ەستە قالار وقيعالار
1945 -جىلى راقىمجان قوشقاربايەۆ پەن گريگوري بۋلاتوۆ رەيحستاگقا تۋ تىكتى. رەسەيدىڭ اسكەري تاريح ينستيتۋتى 1- بەلارۋس مايدانىنداعى 150- اتقىشتار ديۆيزياسىنىڭ لەيتەنانتى راقىمجان قوشقاربايەۆتىڭ 1945 -جىلدىڭ 30-ساۋىرىندە رەيحستاگقا تۋ تىككەنى تۋرالى تاريحي وقيعانى 2007 -جىلدىڭ 7-مامىرىندا رەسمي تۇردە راستادى.
2010 -جىلى ۇلانباتىرداعى موڭعول عىلىم اكادەمياسىندا نۇرسۇلتان نازاربايەۆتىڭ «قازاقستاندىق جول» جانە «ەۋرازيا جۇرەگىندە» كىتاپتارىنىڭ تۇساۋى كەسىلدى.
2012 -جىلى تاەكۆوندودان جاتتىقتىرۋشى تارازدىق رۋسلان يسمازوۆ «ورداباسى» اتتى جاڭا كوماندالىق ويىنىن پاتەنتتەدى. بۇل ويىندا ءتورت ادامنان قۇرالعان ەكى كوماندا شىعىس جەكپە- جەگىنەن سايىسقا ءتۇسىپ، جالاۋدى يەلەنۋگە تالاسادى.
2013 -جىلى الماتىلىق ولگا كورەنچۋكتىڭ «دوروگا نومادوۆ» اتتى تۋىندىسى جىل سايىنعى «اۋستريالىق فوتوسۋرەتتىك سۋپەركرۋيزدە» «ارنايى تاقىرىپتار» ءبولىمى بويىنشا التىن مەدال يەلەندى.
2013 -جىلى استاناداعى «رەسپۋبليكالىق نەيروحيرۋرگيا عىلىمي ورتالىعى» اق Joint Commission International (JCI) حالىقارالىق بىرلەسكەن كوميسسياسى قۇرامىنا كىردى.
2014 -جىلى ماجارستاننىڭ سەكەشفەحەرۆار قالاسىنداعى يانوش كودولاني جانىنداعى قولدانبالى عىلىمدار ۋنيۆەرسيتەتىندە «قازاقستان جولى جانە ن. ا. نازاربايەۆ» كافەدراسى اشىلدى.
2014 -جىلى استانا ۋاقىتى بويىنشا 7 ساعات 35 مينۋتتا كۋرۋ عارىش ايلاعىنان ەۋروپالىق «ۆەگا» زىمىرانى ۇشىرىلدى. ول وربيتاعا قازاقستاننىڭ جەردى قاشىقتىقتان زوندتاۋ سپۋتنيگىن شىعاردى.
2015 -جىلى قازاقستان رەسپۋبليكاسى پرەزيدەنتى جانىنان ينستيتۋتسيونالدىق رەفورمالاردى جۇزەگە اسىرۋ ماقساتىندا جاڭعىرۋ جونىندەگى ۇلتتىق كوميسسيا قۇرىلدى.
2017 -جىلى رەپرەسسيا جىلدارىندا قۋعىنعا ۇشىراعان اقىن جانە دراماتۋرگ ءىلياس جانسۇگىروۆتىڭ قۇجاتتارى اقىننىڭ تالدىقورعانداعى ادەبي- مەموريالدىق مۋزەيىنە بەرىلدى.
2018 -جىلى قازاقستاندىق وقۋشى دىنمۇحاممەد تولەنديەۆ 7 جاسقا دەيىنگى ساناتتا شاحماتتان الەم چەمپيونى اتاندى.
2018 -جىلى UNESCO- نىڭ پاريجدەگى شتاب- پاتەرىندە وتكەن «ەگويزم مەن مادەني قۇندىلىقتاردىڭ قايتا ورلەۋى: تۇركى ءتىلى وتكەننەن بولاشاققا دەيىن» حالىقارالىق فورۋمى اياسىندا تانىمال قازاقتىڭ ۇلى اقىنى ماعجان جۇمابايەۆ تۋرالى كىتاپ تانىستىرىلدى.
2019 -جىلى نۇر- سۇلتاندا حورۆاتيا ەلشىلىگى اشىلدى. بۇل قازاقستانداعى 70- شەت مەملەكەت وكىلدىگى بولدى. قازاقستان رەسپۋبليكاسىنداعى حورۆاتيا توتەنشە جانە وكىلەتتى ەلشىسى رەفيك شابانوۆيچ.