مەديارەيتينگتىڭ ۇزدىك 30 اقپارات قۇرالىنىڭ قاتارىنا جاڭالىقتار اگەنتتىكتەرى، جەلىلىك باسىلىمدار، گازەتتەر مەن تەلەارنا وكىلدىكتەرى، سونداي-اق وڭىرلىك جانە سپورت سالاسىندا جازاتىن بۇقارالىق اقپارات قۇرالدارى ەندى.
زەرتتەۋ كەزەڭى: 1.02 - 28.02. 2021. بۇل تۋرالى قازاقپارات Brand Analytics-كە سىلتەمە جاساپ حابارلايدى.
جاريالانعان رەيتينگتە ب ا ق- تىڭ تانىمالدىلىعى نازارعا الىندى. جاڭالىق جەلى قولدانۋشىسىنا قىزىق بولسا، ول ونى جەلىلەردە بەلسەندى تۇردە بولىسە باستايدى. الەۋمەتتىك جەلىلەردە ماتەريالدىڭ سىلتەمەسىن جاريالايدى، فورۋمداردا نەمەسە UGC- رەسۋرستاردا ونى تالقىلايدى. جەلى قولدانۋشىلارىنىڭ بەلگىلى ءبىر دەرەككوزدىڭ جاريالانىمدارىنا دەگەن قىزىعۋشىلىعى نەعۇرلىم جوعارى بولسا، الەۋمەتتىك مەديا وعان سوعۇرلىم كوبىرەك سىلتەمە جاسايدى.
2021-جىلعى اقپاندا قازاقستان اۋماعىندا COVID-19 ۆيرۋسىنا قارسى ۆاكتسينالاۋ جانە «سپۋتنيك V» ۆاكتسيناسىن قولدانۋ تاقىرىبى باستى نازاردا بولدى. ۇزدىك 30 ب ا ق- تىڭ كوشىن جاڭالىقتاردان باسقا زاڭناما، زاڭتانۋ جانە قارجى ماسەلەلەرىنە مامانداندىرىلعان Zakon.kz سايتى باستادى. ەكىنشى ورىندا ەلدەگى جانە شەتەلدەگى ساياسي-ەكونوميكالىق وقيعالار مەن جاڭالىقتاردى باياندايتىن قازاقپارات اقپارات اگەنتتىگى تۇر.
ءۇشىنشى ورىنعا قازاقستانداعى Sputnik جاڭالىقتار اگەنتتىگى جايعاستى.
«الەۋمەتتىك مەديادا كوپ سىلتەمە جاسالاتىن قازاقستاندىق ۇزدىك 30 ب ا ق» رەيتينگىنە قاتىسۋشىلار بىرلەسىپ 2021-جىلعى اقپاندا الەۋمەتتىك مەديادا قازاق جانە ورىس تىلدەرىندەگى پايدالانۋشىلاردىڭ حابارلامالارىنان 800 مىڭنان استام سىلتەمە الدى. سىلتەمەلەردىڭ جارتىسى ب ا ق- تىڭ العاشقى بەستىگىنە تيەسىلى.
قازاقستاننىڭ ب ا ق رەيتينگىسىنىڭ قۇرىلىمى: 11 ونلاين-باسىلىم 7 جاڭالىق اگەنتتىگى، 6 تەلەارنا، گازەت پەن راديونىڭ ونلاين-وكىلدىگى 4 وڭىرلىك باسىلىم 2 سپورت پورتالى ۇزدىك 30 ب ا ق 2021-جىلدىڭ اقپانىنداعى «توپ-100 ۆيرالدى ورىس ءتىلدى مەديارەسۋرستارعا» كىردى: قازاقپارات، Zakon.kz، Sports.kz، Tengri News، Inbusiness.kz، Sputnik قازاقستان، قازاقستان جاڭالىقتارى.
بۇل ب ا ق- تىڭ قازاقستان تۇرعىندارى اراسىندا عانا ەمەس، سونداي-اق ەلدەن تىس جەرلەردە دە جاقسى تانىمال ەكەنىن كورسەتەدى.