الماتى بويىنشا ە ت د «قازاق فيلم» ا ق- تىڭ «قاسىم حان» كينوجوباسى فيليالىنىڭ ديرەكتورى ك. س. احمەتوۆكە جانە باسقا تۇلعالارعا قاتىستى سوتقا دەيىنگى تەرگەۋدى اياقتادى، - دەپ حابارلايدى قارجى مينيسترلىگىنىڭ قارجى مونيتورينگى كوميتەتىنىڭ باسپا ءسوز قىزمەتى.
«تەرگەۋ بارىسىندا قىزمەتتىك جاعدايىن پايدالانا وتىرىپ، «قاسىم حان» تاريحي سەريالىنىڭ تۇسىرىلىمىندە قولدانۋ ءۇشىن پيروتەحنيكا ساتىپ الۋعا بولىنگەن 29,9 ميلليون تەڭگە سوماسىنداعى بيۋدجەت قاراجاتىنىڭ ۇرلانعانى دالەلدەندى. «قازاق فيلم» ا ق- قا كەلتىرىلگەن زالال سوتقا دەيىنگى تەرگەپ- تەكسەرۋ كەزەڭىندە تولىق كولەمدە وتەلدى»، - دەلىنگەن حابارلامادا.
سوت ايىپتالۋشىلاردى ق ر ق ك 189-بابى 3-بولىگى 1,2-تارماقتارى بويىنشا كىنالى دەپ تانىلىپ، «قاسىم حان» كينوجوباسىنىڭ» بۇرىنعى ديرەكتورىن ەكى جىلعا باس بوستاندىعىنان ايىرۋ، ال ىسكە قاتىسى بار ەكى قىزمەتكەرگە ءۇش جىلعا دەيىنگى مەرزىمدە بوستاندىعىن شەكتەۋ، 100 ساعاتقا ءماجبۇرلى ەڭبەككە تارتۋ جازاسى تاعايىندالدى.
ايتا كەتەيىك، قازاقتىڭ ايگىلى بيلەۋشىلەرىنىڭ ءبىرى - قاسىم حاننىڭ ءومىرى تۋرالى باياندايتىن كوپسەريالى تاريحي كينوجوبانى مادەنيەت جانە سپورت مينيسترلىگىنىڭ تاپسىرىسى بويىنشا «قازاق فيلم» كينوستۋدياسى ءتۇسىرىپ جاتىر.
2019 -جىلدىڭ جازىندا الماتى وبلىسىنىڭ كوركەم جەرلەرىندە باستالعان ءتۇسىرىلىم جۇمىستارى ءالى اياقتالعان جوق.