وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى تاراتقان اقپاراتقا قاراعاندا، وتكەن تاۋلىكتە اتىراۋدا 62 ادامنان كورونوۆيرۋس ينفەكتسياسىنىڭ بەلگىسى انىقتالعان.
«ناۋقاستاردىڭ اراسىندا اتىراۋ قالاسىنىڭ 21 تۇرعىنى بار. تەڭىز كەنىشىندە 30 جۇمىسشى قاۋىپتى ىندەتتى جۇقتىردى. سونداي-اق، قىزىلقوعا اۋدانىندا - 3، يندەر اۋدانىندا - 4، قۇرمانعازى اۋدانىندا - 3، يساتاي اۋدانىندا 1 ادام Covid-19 ينفەكتسياسىنا شالدىقتى. كوروناۆيرۋستىڭ سيمپتومدى بەلگىسى 17 ناۋقاستا بەلگىلى بولدى»، - دەلىنگەن باسقارما تاراتقان اقپاراتتا.
وتكەن تاۋلىكتە كوروناۆيرۋس ينفەكتسياسىنان 13 ادام ەمدەلىپ شىقسا، قازىر ءۇي جاعدايىندا 254 ادام ەم-دوم الىپ جاتىر. سونداي-اق، وبلىستىق ينفەكتسيالىق ستاتسيوناردا 84، اۋداندارداعى ستاتسيونارلاردا 16 ناۋقاس ەمدەلۋدە.
ال، تەڭىشىندەگى ينفەكتسيالىق ستاتسيونارداعى ناۋقاستاردىڭ سانى 364 ادامعا جەتتى.
ەسكە سالا كەتەلىك، بۇدان بۇرىن تەڭىز كەنىشىندە ىندەت جۇقتىرعاندار 32 ادامعا كوبەيگەنىن حابارلاپ ەدىك.