قازاقستاننىڭ تاۋەلسىزدىگىنىڭ 30 جىلدىعىنا ارنالعان پوپۋرري ءان شىقتى
ەكرانداعى روليكتە اۋەلى «تاۋەلسىزدىك العالى بەرى مۋزىكالىق يندۋستريا بىرنەشە ساتىنى باسىپ ءوتتى» دەگەن جازۋ شىعادى. وسىدان كەيىن ءارتىس 1991-2020 -جىلدار ارالىعىنداعى وتاندىق ەسترادا جۇلدىزدارىنىڭ اندەرىن شىرقاي باستايدى.
«قازاقستاندا 30 جىلدىڭ ىشىندە كوپتەگەن وقيعا بولعانىنان حاباردارسىزدار. سول جىلداردىڭ ءبارى دە انشىلەردىڭ انىندە كورىنىس تاۋىپ جاتتى. مەن 30 ءاندى ءبىر انگە بىرىكتىردىم. بۇل تۋىندىلاردى مەنىڭ بالا شاعىمنان ەر جەتكەنگە دەيىن تىڭداپ ءوستىم. كەلەسى جىلى قازاقستاننىڭ تاۋەلسىزدىك العانىنا 30 -جىل تولادى. وسى ايتۋلى مەرەكەنىڭ قۇرمەتىنە مىنا ۆيدەوروليكتى تارتۋ ەتەيىن دەپ شەشتىم. سىزدەرگە ۇنايتىنىنا سەنىمدىمىن»، - دەپ جازدى دانيار ءجۇمادىلوۆ Instagram پاراقشاسىندا.
بۇل جوبا بويىنشا شىعارماشىلىق توپ بىرنەشە اي بويى جۇمىس ىستەپتى. ۆيدەوروليكتە توقسانىنشى جىلداردان بەرگى قازاق جانە ورىس تىلدەرىنىڭ اندەرى بىرىكتىرىلگەن. اندەر توپتاماسىنىڭ ىشىنەن روزا رىمبايەۆانىڭ «قازاق ەلى»، ا ب ك توبىنىڭ «تامشىلار»، ميۋزيكل توبى مەن باتىرحان شۇكەنوۆتىڭ «پيەۆيتسا ي ساكسافون» ءانىن، مۇرات ناسىروۆتىڭ «يا ەتو تى»، سونداي-اق «قۇربىم، جان قۇربىم» سەكىلدى ەل ىشىندە تاراعان اندەردى تانۋعا بولادى. ۆيدەوروليك قازىردىڭ وزىندە 145 مىڭ رەت قارالعان. 1600 دەن استام ادام ءوز پىكىرىن قالدىرىپ، ارتىسكە العىس ايتۋدا.
اۆتور: ايان بەكەن ۇلى