شىعىس قازاقستان وبلىسىنىڭ زايسان اۋدانىندا تابيعي زاۋالدان اسىرەسە قاراتال اۋىلى قاتتى زارداپ شەكتى. مۇندا ساناۋلى مينۋتتاردا وتە كۇشتى جەل سوعىپ، ەكپىنى سەكۋندىنا 27 مەترگە جەتكەن. اۋىلداعى كوشەلەردىڭ بىرىندە 25-30 ءۇيدىڭ شاتىرى جۇلىنعان. جەرگىلىكتى تۇرعىندار اراسىندا زارداپ شەككەن ەشكىم جوق. وقيعا ورنىندا ارنايى كوميسسيا جۇمىس ىستەپ جاتىر. ولار تابيعات اپاتىنان كەلگەن شىعىننىڭ كولەمىن انىقتاۋ ۇستىندە.
ەسكە سالا كەتەيىك، كەشە «قازگيدرومەت» ماماندارى شىعىس قازاقستاندا جەل سوعىپ، داۋىل تۇراتىنىن، بۇرشاق جاۋاتىنىن ەسكەرتكەن بولاتىن.