دەپ حابارلايدى «SPORTINFORM» س ا ا.
«جاڭا جىلدان كەيىن امەريكاعا قايتامىن (ا ق ش). كەلەسى ايقاسقا دايىندالامىن. جەكپە- جەكتى لوندوندا وتكىزۋدى جوسپارلاپ وتىرمىز. بۇل ايقاستا 10 راۋند بولادى. تاياۋدا تيتۋل ءۇشىن دە ايقاسپاقپىن»، - دەدى بوكسشى.
«قازىر مەنەن مىقتى قارسىلاسپەن ايقاسۋىمدى تالاپ ەتۋ دۇرىس ەمەس دەپ ويلايمىن. ءتىپتى، مەيۆەزەر مەن گولوۆكين نولدەن باستادى. مەنىڭ قازىرگى قارسىلاستارىم ولاردىڭ العاشقىداعى قارسىلاستارىنان دا كۇشتى بولۋى مۇمكىن. بۇل جىل مەن ءۇشىن جاقسى بولدى دەپ ەسەپتەۋگە بولادى. كەلەسى جىلى بۇدان دا كوپ جەكپە- جەكتەر وتكىزگىم كەلەدى. 30 جاسقا دەيىن الەم چەمپيونى بولۋدى قالايمىن»، - دەدى د. ەلەۋسىنوۆ.
ەلەۋسىنوۆ بريتاندىق دجوش كەلليمەن باسەكەلەستىك تۋرالى دا ءسوز قوزعادى. ايتا كەتسەك، ەكى بوكسشىنىڭ دا ىستەرىن پروموۋتەر ەددي حەرن جۇرگىزەدى.
«وعان ءالى مەنى ايقاسقا تۇسۋگە ەرتە. مۇنى كاسىبي بوكستىڭ نە ەكەنىن بىلەتىندەردىڭ بارلىعى تۇسىنەدى. مۇنىڭ ءبارى بوس ءسوز. كەللي وزىنە پيار جاساعىسى كەلەدى»، - دەدى ول.
سونداي- اق، ونىڭ كومانداسىنىڭ جازدا قازاقستاندا جەكپە- جەك وتكىزۋدى جوسپارلاپ وتىرعانىن ايتتى.