ق ر ۇكىمەتى دامىعان 30 ەلدىڭ قاتارىنا كىرۋ ءۇشىن ءتيىمدى ۇلتتىق ينديكاتور ازىرلەدى
«اعىمداعى جىلدىڭ باسىندا مەملەكەت باسشىسى ەلدىڭ 2025-جىلعا دەيىنگى ستراتەگيالىق جوسپارىنا قول قويدى. 2025-جىلعا دەيىنگى نەگىزگى ماقسات - ەكونوميكالىق ىنتىماقتاستىق جانە دامۋ ۇيىمى ەلدەرىنە سايكەس كەلەتىن ادامداردىڭ ءومىر دەڭگەيىن كوتەرۋگە قول جەتكىزەتىن ەكونوميكانىڭ ساپالى جانە تۇراقتى دامۋىنا قول جەتكىزۋ. بۇل ءۇشىن ەكونوميكانىڭ ورتا ەسەپپەن جىلىنا 4,5-5 پايىزدان كەم ەمەس دەڭگەيدەگى ءوسىمىن قامتاماسىز ەتۋ جوسپارلانۋدا. بۇل قازاقستانعا 2025-جىلى جان باسىنا شاققانداعى جالپى ىشكى ءونىم دەڭگەيىن 46 مىڭ دوللارعا دەيىن وسىرۋگە مۇمكىندىك بەرەدى. جوسپارلانعان ءوسۋ قارقىنى قويىلعان ماقساتتارعا قول جەتكىزۋدىڭ قاجەتتى شارتى بولىپ تابىلادى»، - دەدى مينيستر.
ونىڭ ايتۋىنشا، ج ءى ءو ءومىر ساپاسىن، ازاماتتاردىڭ ناقتى ءال-اۋقاتىن، دەڭگەيىن جانە قورشاعان ورتاعا كەلتىرىلگەن زياندى تولىعىمەن كورسەتپەيدى. وسىعان بايلانىستى 30 دامىعان ەلدىڭ قاتارىنا كىرۋ جولىنداعى پروگرەستى ولشەۋ جانە قويىلعان ماقساتتارعا قول جەتكىزۋ ءۇشىن حالىقتىڭ ءومىر ساپاسىن جانە ەكونوميكانىڭ دامۋ ساپاسىن كورسەتەتىن ءتيىمدى ۇلتتىق ينديكاتورلار كوزدەلگەن.
«ءتيىمدى ۇلتتىق ينديكاتورلار 14 سالاعا بولىنگەن جانە حالىقارالىق رەيتينگتەردى قوسا العاندا 37 ينديكاتوردى قامتيدى»، - دەدى تيمۋر سۇلەيمەنوۆ.