وتكەن 2 تاۋلىكتە كاتونقاراعاي اۋدانىنىڭ 2 ەلدى مەكەنىنە سۋ جايىلدى. اقسۋ اۋىلىندا بەكالقا ەلدى مەكەنىنە اپاراتىن جولدىڭ سۋاعارىن سۋ شايىپ، 2 ءۇيدىڭ اۋلاسىنا كىرسە، بارلىق اۋىلىندا 10 ءۇيدىڭ اۋلاسىنا سۋ كىرگەن.
«بارلىق اۋىلىنا بۇقتىرما وزەنىنىڭ ارناسىنان اسۋى قاۋىپ ءتوندىردى. قازىر كەپتەلگەن مۇز اۋىلدان 500 مەتر تومەن جىلجىدى. ياعني، تاسقىن قاۋپى تولىق سەيىلدى. ال اقسۋ اۋىلىندا اتتاس وزەننىڭ دەڭگەيى جاۋىن سالدارىنان كوتەرىلگەن بولاتىن. قازىر ونىڭ تەرەڭدىگى 162 سانتيمەتردەن 130 سانتيمەترگە ءتۇستى. بۇلىنگەن ءۇي نەمەسە زارداپ شەككەن ادام جوق، جاعداي تۇراقتالدى. سۋدىڭ مولايۋىنا تاۋ اراسىندا جىلى لەپتى جەل سوعۋى دا سەبەپكەر بولدى. اقسۋ اۋىلىندا سۋ جىرعان جولدى اينالىپ وتەتىن باعىت جاسادىق. بەكالقا اۋىلىمەن قاتىناس ۇزىلگەن جوق. بۇگىن بارلىق اۋىلىنداعى اۋلاسىن سۋ العان ۇيلەردىڭ تۇرعىندارىمەن كەزدەسەمىز» - دەيدى اۋدان اكىمىنىڭ ورىنباسارى جانبولات تىنىبەكوۆ.
اۆتور: ەسىمجان ناقتىباي