ءى ءى د باسپا ءسوز قىزمەتىنىڭ مالىمەتى بويىنشا، اقمولا وبلىسى اۋماعىندا 24- قاراشادان باستاپ مال ۇرلىعىن بولدىرماۋ ماقساتىندا «سوعىم» جەدەل الدىن الۋ شاراسى جۇرگىزىلۋدە.
«شارانىڭ ءبىرىنشى كۇنى مال ۇرلىعىنا قاتىستى 6 قىلمىستىڭ بەتى اشىلدى. ونىڭ ىشىندە زەرەندى اۋداندىق ءىىب كريمينالدى پوليتسيا قىزمەتكەرلەرى 2 جىلقىشىنى ۇستاعان. كۇدىكتىلەردىڭ بىرنەشە اي بويى اۋدان جانە وبلىس ورتالىعى تۇرعىندارىنىڭ جىلقىلارىن ۇرلاپ، كەيىن ساتىپ وتىرعانى انىقتالدى. بارىمتاشىلار كوكشەتاۋ قالاسىنىڭ 62 جاستاعى تۇرعىنىنىڭ 10 جىلقىسىن ايداپ اكەتكەن»، دەپ ءتۇسىندىردى باسپا ءسوز قىزمەتىندەگىلەر.
قازىرگى كەزدە اتالعان وقيعاعا بايلانىستى ق ر ق ك 188 بابىنىڭ 4- ءبولىمى بويىنشا سوتقا دەيىنگى ءىس قوزعالدى.
ەسكە سالا كەتەيىك، «سوعىم» جەدەل الدىن الۋ شاراسى ءۇش كۇن بويى جالعاساتىن بولادى. شاراعا 40 موبيلدى توپ تارتىلۋدا.
شارانىڭ ءبىرىنشى كۇنى 100 اۆتوكولىك تەكسەرىلدى. مال ۇرلىعىنا قاتىستى 16 قىلمىستىڭ بەتى اشىلسا، ونىڭ 10 ى بۇرىن جاسالعاندار. وسىنىڭ ناتيجەسىندە 30 باس مال يەسىنە قايتارىلدى.