قىرعىزستاندىقتار قازاقستاندا 30 كۇن تىركەۋسىز جۇرە الادى
17:24, 17 - ناۋرىز 2017
استانا. قازاقپارات - قىرعىزستاندىقتار قازاقستاندا 30 كۇن تىركەۋسىز جۇرە الادى، دەپ حابارلايدى 24.kg.
جوگوركۋ كەنەش دەپۋتاتتارى 2012 - جىلدىڭ 11- مامىرىنداعى قىرعىزستان ازاماتتارىنىڭ قازاقستان اۋماعىندا جانە قازاقستان ازاماتتارىنىڭ قىرعىزستاندا بولۋ تارتىپتەرى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى 2016 -جىلى 17 - قازاندا استانا قالاسىندا قول قويىلعان حاتتامانى راتيفيكاتسيالاۋ تۋرالى زاڭ جوباسىن ءۇشىنشى وقىلىمدا ماقۇلدادى.
حاتتاما قازاقستان اۋماعىنا ۋاقىتشا بارعان قىرعىزستان ازاماتتارىن 30 كۇنگە تىركەۋدەن بوساتۋدى قاراستىرادى.
سونىمەن بىرگە، قىرعىزستاندىقتار قازاقستانعا كىرەردە كوشى- قون كارتاسىن تولتىرمايدى.