قازاقستاندا 30 مىڭ دوللارعا بالالارعا ارنالعان ماشينا ساتىلۋدا

استانا. قازاقپارات - قازاقستاندا بالالارعا ارنالعان سپورتتىق ماشينا ساتىلىمعا شىعارىلدى، ول فرانسۋزدىق Bugatti Veyron كولىگىنىڭ شاعىن كوشىرمەسى بولىپ تابىلادى، دەپ حابارلايدى قازاقپارات.

رokatim.ru سايتىنىڭ جازۋىنشا، ينتەرنەتتە ساتىلىمعا شىعارىلعان بالالارعا ارنالعان سپورتكاردىڭ ۇزىندىعى 3,5 مەتردى قۇرايدى. ول بويى 120-150 سانتيمەتردەن اسپايتىن بالالارعا ارنالعان. Bugatti Veyron-نىڭ شاعىن كوپياسى 500-كۋبتىق ىشتەن جانۋ قوزعالتقىشىنىڭ كومەگىمەن ىسكە قوسىلادى. ونىڭ بارىنشا جوعارى جىلدامدىعى ساعاتىنا 90 شاقىرىمدى قۇرايدى.

ونىمەن قوسا، جوعارى كوتەرىلەتىن ەسىكتەرى مەن Pioneer اۋديوجۇيەسى نازار اۋدارتادى. تازا بىلعارىمەن قاپتالعان كولىك سالونىنىڭ ىشىندە 4 دەڭگەيلى قاۋىپسىزدىك بەلدىكتەرى بار. قازىرگى ۋاقىتتا كولىكتىڭ باعاسى 30 مىڭ دوللارعا باعالانىپ وتىر.