پارلامەنتتە ايەلدەر ۇلەسى 30 پايىزعا دەيىن جەتەدى دەگەن ۇمىتتەمىز - ر. سارسەمبايەۆا

استانا. قازاقپارات - قازاقستاننىڭ ىسكەر ايەلدەر قاۋىمداستىعى بيىلعى پارلامەنت پەن بارلىق دەڭگەيدەگى ءماسليحاتتار سايلاۋىنىڭ ناتيجەسىندە زاڭ شىعارۋشى بيلىكتەگى ايەلدەر ۇلەسى 30 پايىزعا جەتەدى دەپ ۇمىتتەنەدى.

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە قازاقستاننىڭ ىسكەر ايەلدەر قاۋىمداستىعىنىڭ پرەزيدەنتى راۋشان سارسەمبايەۆا ءمالىم ەتتى.

«بيلىكتىڭ زاڭ شىعارۋشى ورگانىندا، مەملەكەتتىك اتقارۋشى ورگانداردا نازىك جاندىلاردىڭ ۇلەسى 30 پايىزعا ءسال جەتپەيدى. مەنىڭ ويىمشا، بۇل بۇگىنگى سايلاۋ ۇدەرىسىنىڭ ەنشىسىندەگى مىندەت. سوندىقتان دا، ءبىز بيىلعى سايلاۋ ناتيجەسىندە ايەلدەردىڭ ۇلەسى 30 پايىزعا دەيىن جەتەدى دەگەن ۇمىتتەمىز»، - دەدى ر. سارسەمبايەۆا.

ونىڭ ايتۋىنا قاراعاندا، ەلىمىزدەگى گەندەرلىك ساياساتقا قاتىستى ديناميكا جىل سايىن جاقسارىپ كەلەدى. ماسەلەن، بەسىنشى شاقىرىلعان پارلامەنت ماجىلىسىندەگى 107 دەپۋتاتتىڭ 28 ى  ايەلدەر بولىپ، بۇل 26,2 پايىزدى قۇراعان. ال 2007 -جىلى سايلانعان ماجىلىستەگى ايەلدەر ۇلەسى 19,5 پايىز بولعان ەدى.

سونىمەن قاتار، قاۋىمداستىق باسشىسى ساياسي پارتيالاردىڭ گەندەرلىك ماسەلەسىندەگى رولىنە نازار اۋداردى. ونىڭ ايتۋىنشا، بۇل باعىتتا «نۇر وتان» پارتياسى كوشباسشى بولىپ، باسقالارىنا قاراعاندا ايەلدەر ۇلەسىن كوبىرەك ۇسىنىپ وتىر.

«نۇر وتان» پارتياسى ءبىرىنشى ورىندا تۇر، ولار 30 ايەل ۇسىنعان، 23,6 پايىزدى قۇرايدى. ودان كەيىنگى ورىندا قازاقستاننىڭ كوممۋنيستىك پارتياسى 22 كانديداتتىڭ 4 ەۋى ايەل - بۇل ,8. «اق جول» پارتياسى 35 كانديداتتىڭ التاۋىنا ايەلدەردى تارتتى، ,1. «بىرلىك» پارتياسىنىڭ 8 كانديداتىنىڭ 1 ەۋى ايەل - ,5. ال «اۋىل» پارتياسىندا 19 كانديداتتىڭ ەكەۋى ايەل - ,5»، - دەدى قاۋىمداستىق جەتەكشىسى.

ونىڭ ايتۋىنشا، ورتالىق سايلاۋ كوميسسياسىنىڭ مالىمەتتەرىنە قاراعاندا، بارلىق دەڭگەيدەگى ءماسليحاتتار سايلاۋ بويىنشا 2852 ايەل كانديداتتار تىركەلگەن، بۇل 26,3 پايىزدى قۇرايدى. «ەگەر وسى ايەلدەردىڭ بارلىعى سايلاۋدان سۇرىنبەي وتسە، وندا بارلىق دەڭگەيدەگى ءماسليحاتتارداعى نازىك جاندىلار ۇلەسى 26 پايىزدى قۇرايتىن ەدى. قازىر بۇل كورسەتكىش 17 پايىز»، - دەدى ول.

اۆتور: قانات مامەتقازى ۇلى