رەسەي عىلىم اكادەمياسىنا قاراستى تۇمەن عىلىمي ورتالىعىنىڭ ءتوراعاسى ۆلاديمير مەلنيكوۆ وسىنداي تۇجىرىم جاساپ وتىر، دەپ جازادى «ەگەمەن قازاقستان» گازەتى.
عالىمنىڭ پايىمىنشا، بۇل جىلداردا اۋانىڭ ورتاشا تەمپەراتۋراسى 1,5-2 گرادۋسقا دەيىن تومەندەيدى. ول، سونىمەن قاتار، اۋا رايىنىڭ سۋىتۋى تۇرعىنداردىڭ دەنساۋلىق جاعدايلارىنا كەرى اسەر ەتپەيتىنىن، مۇنى جان- جانۋارلاردىڭ دا جاقسى كوتەرە الاتىنىن ايتىپ، جۇرتتى بەكەرگە الاڭداماۋعا شاقىرادى.
مەلنيكوۆ ەرتە زامانداردا كۇن قاباعىنىڭ بۇلايشا كۇرت سۋىتۋىنىڭ تالاي رەت وراسان زور اپاتقا الىپ بارعانىن، سەبەبى، ول كەزدە ادامداردىڭ سۋىقتان قورعانا الاتىن قابىلەتتەرى مەن جاعدايلارى بولماعانىن اتاپ وتەدى. «ەرتەدەگى داۋىرلەردە مۇنداي سۋىقتاردان جان- جانۋارلار ءتۇر- تۇرىمەن قىرىلىپ كەتكەن. الايدا، ول كەزدەرى اۋانىڭ تومەندەۋى تۇتاس ءبىر تەرريتوريالاردى قامتىپ، سيكلدەر بارىنشا ۇزاققا سوزىلىپ تۇرعان. ال بۇل جولى ول تاپ مۇنداي اۋقىمدى ۋاقىت ارالىعىن المايدى»، - دەيدى ول.