ايماقتاعى ءىرى كاسىپورىندى مەرەيتويىمەن شىمكەنت قالاسىنىڭ اكىمى عابيدوللا ءابدىراحيموۆ قۇتتىقتادى، دەپ حابارلادى قالالىق اكىمدىكتىڭ باسپا ءسوز قىزمەتى.
كاسىپورىننىڭ 30 جىلدىعى قۇرمەتىندەگى سالتاناتتى شارا كەزىندە قالا باسشىسىنىڭ «پەترو قازاقستان» كومپانياسىنىڭ باسشىسى ۆەي يۋيسيان مىرزامەن كەزدەسۋى ءوتتى.
تاراپتار زاۋىتتىڭ پەرسپەكتيۆالارىن تالقىلادى. عابيدوللا ءابدىراحيموۆ شموس - بۇل قالا مەن ايماق ءۇشىن عانا ەمەس، تۇتاستاي العاندا بۇكىل ەل ءۇشىن ماڭىزدى كاسىپورىن ەكەنىن اتاپ ءوتتى.
ۆەي يۋيسيان مىرزا زاۋىتتا ءجۇرىپ اتقان كۇردەلى جاڭعىرتۋ جونىندە اڭگىمەلەدى.
ول ەكولوگيالىق ك4 جانە ك5 ستاندارتتارى دەڭگەيىندە ديزەل وتىنىنىڭ ساپاسىن قامتاماسىز ەتەتىن گيدروتازارتۋ قوندىرعىسى پايدالانۋعا بەرىلگەنىن جانە جاڭعىرتۋ اياقتالعانىن اتاپ ءوتتى. ءسويتىپ، ديزەل وتىنىنىڭ ساپالىق جانە ەكولوگيالىق قاسيەتتەرى جاقساردى، ونىڭ قۇرامىنداعى كۇكىرت جانە ونىڭ قاتۋ تەمپەراتۋراسى ازايدى.