باسپا ءسوز قىزمەتىنىڭ مالىمەتىنشە، ق ر ق ك اۋە قورعانىسى كۇشتەرى باس قولباسشىسى باسقارماسى، 657-قامتاماسىز ەتۋ كومەنداتۋراسى جانە 21140-ب اسكەري ءبولىمىنىڭ اسكەري قىزمەتشىلەرى دونورلىق قان تاپسىرۋ بويىنشا قايىرىمدىلىق اكتسياسىن وتكىزدى. جالپى، شامامەن 30 ليتر قان تاپسىرىلدى.
«اكتسيانى ۇيىمداستىرۋداعى ماقسات - اسكەري قىزمەتشىلەردىڭ قان تاپسىرۋ ىسىنە ۇلەسىن قوسۋ جانە قازىرگى ۋاقىتتا دونورلىق قانعا ءزارۋ ادامدارعا كومەكتەسۋ. مۇنداي ءىس- شارا قازاقستان قارۋلى كۇشتەرىندە ون جىلدان استام ۋاقىت بويى جارتى جىلدا ءبىر رەت وتكىزىلىپ تۇرادى. ترانسفۋزيولوگيا رەسپۋبليكالىق عىلىمي- وندىرىستىك ورتالىعى دارىگەرلەرىنىڭ ايتۋىنشا، قان تاپسىرۋدىڭ دونور ءۇشىن ەشقانداي زياندى سالدارى جوق. كەرىسىنشە، قاننىڭ بەلسەندى جاڭارۋىنا، جۇرەك تامىر جۇيەسى مەن ىشكى مۇشە جۇمىسىنىڭ جاقسارۋىنا ىقپال ەتەدى»، - دەيدى باسپا ءسوز قىزمەتىندەگىلەر.
ايتا كەتەيىك، الەمدە مينۋت سايىن ءجيى قان الماستىرۋ قاجەتتىلىگىمەن بايلانىستى اۋرۋ- سىرقاۋعا شالدىققان مىڭداعان ادام قاننىڭ جەتىسپەۋشىلىگىنەن قايتىس بولادى.