The Daily Dot-تىڭ جازۋىنشا، ينتەرنەتتى پايدالانۋشىلار اينالاداعى ادامدار الدەبىر سەبەپتەرمەن قولدانىپ جۇرگەن بارلىق اقىلعا قونىمسىز، پايداسىز جانە ارزان نارسەلەردى قولدانۋدىڭ شەشىمدەرىن «3017 -جىلدا ءومىر ءسۇرۋ» اتاۋىمەن سۋرەتتەگەن.
العاش رەت مۇنداي شەشىمدى Twitter- دىڭ @MyFavsTrash قولدانۋشىسى ۇسىندى: ول قاعاز قوراپتى تاڭەرتەڭگى قۇرعاق اسقا تارەلكە رەتىندە پايدالانىپ، ونىڭ ىشىنە ءتىپتى، ءسۇت تە قۇيادى. «سىزدەر بارلىقتارىڭىز 2017 -جىلدا ءومىر سۇرسەڭىزدەر، مەن 3017 -جىلدامىن. جينالىڭىزدار»، - دەپ جازدى ول.
ينتەرنەت- پايدالانۋشىلاردىڭ پىكىرىنشە، 3017 -جىلى ءسانقويلار قۋاتتاۋ قۇرىلعىلارىنىڭ كابەلىن اياق كيىمنىڭ باۋىن بايلاۋ ءۇشىن قولداناتىن بولادى. ال بولاشاقتىڭ تاعى ءبىر «اقىلدى» وكىلدەرى كلاسسيكالىق كوستيۋمگە سپورتتىق كيىمدەردىڭ بەلگىلەرىن پايدالانۋ ادىستەرىن ويلاپ تاباتىنى انىق.
بالكوندى باسسەينگە اينالدىرۋ - بۇل دا الداعى مىڭجىلدىق ادامدارىنىڭ قيالىنداعى يدەيالاردىڭ ءبىرى. 3017 -جىلدا ءومىر سۇرەتىن ادامدار جايلى ازىلگە Twitter- دىڭ ورىس ءتىلدى قولدانۋشىلارى دا ءۇن قوستى. باسىلىمنىڭ پىكىرىنشە، يدەيالاردىڭ كوپتىگىنە قاراعاندا ادامزاتتى استە جارقىن بولاشاق كۇتىپ تۇر.