سوندىقتان مالىن قاراۋسىز جىبەرەتىن تۇرعىندارعا سالىناتىن ايىپپۇل مولشەرىن 100 ايلىق ەسەپتىك كورسەتكىشكە دەيىن ۇلعايتۋ قاجەت.
بۇل تۋرالى «قازاۆتوجول» ۇ ك» باسقارماسى ءتوراعاسىنىڭ ورىنباسارى سەرىك ايدوس ەلوردادا وتكەن بريفينگتە ايتتى، دەپ حابارلايدى قازاقپارات ءتىلشىسى.
«پوليتسيامەن بىرگە جەرگىلىكتى اتقارۋشى ورگانداردىڭ وكىلدەرىمەن، ەلدى مەكەن تۇرعىندارىمەن ءجيى كەزدەسۋ وتكىزىپ، اۆتوموبيل جولىنىڭ بويىنا مال جايماۋ كەرەكتىگىن تۇسىندىرەمىز. حاتتاما جاسالىپ، جادىناما تاراتىلادى»، - دەدى ول.
ونىڭ ايتۋىنشا، اكىمشىلىك قۇقىق بۇزۋ تۋرالى كودەكستە جول بويىندا جايىلىپ جۇرگەن مال يەلەرىنە جاۋاپكەرشىلىك قاراستىرىلعان.
ياعني، مال يەسىنە 3 ا ە ك مولشەرىندە ايىپپۇل سالىنادى. ال ەگەر مال كەسىرىنەن جول-كولىك اپاتى بولعان جاعدايدا 10 ا ە ك مولشەرىندە ايىپپۇل كوزدەلگەن.
«ورىن العان جاعدايدى ەسكەرە وتىرىپ، ءۇي جانۋارلارىنا دۇرىس قاراماعانى ءۇشىن سالىناتىن ايىپپۇلدى 100 ايلىق ەسەپتىك كورسەتكىشكە دەيىن ۇلعايتۋ ۇسىنىلادى»، - دەدى سەرىك ايدوس.