بۇل تۋرالى ق ر پرەزيدەنتى قاسىم-جومارت توقايەۆ تەلەارنا ارقىلى ۇندەۋىندە ايتىپ بەردى. «ءبىز بيۋدجەتتىك شىعىنداردى ماكسيمالدى ءتيىمدى بولاتىن باعىتتارعا قايتا بۇرامىز. وتاندىق كاسىپكەرلەردى قولداۋعا جانە جاڭا جۇمىس ورىندارىن قۇرۋعا كەم دەگەندە 300 ميلليارد تەڭگە بولىنەدى»، - دەدى مەملەكەت باسشىسى.
ەستەرىڭىزگە سالا كەتسەك، ق ر پرەزيدەنتىنىڭ جارلىعىمەن دۇنيەجۇزىلىك دەنساۋلىق ساقتاۋ ۇيىمىنىڭ جاڭا COVID-19 كوروناۆيرۋسىن پاندەميا دەپ جاريالاۋىنا بايلانىستى ازاماتتاردىڭ ءومىرى مەن دەنساۋلىعىن قورعاۋ ماقساتىندا قازاقستان رەسپۋبليكاسىنىڭ بارلىق اۋماعىندا 2020 -جىلعى 16-ناۋرىز 08 ساعات 00 مينۋت پەن 2020 -جىلعى 15-ءساۋىر 07 ساعات 00 مينۋت ارالىعىندا توتەنشە جاعداي ەنگىزىلدى. سونداي- اق قازاقستان ازاماتتارىنا 15-ساۋىرگە دەيىن ەل اۋماعىنان شىعۋعا تىيىم سالىندى.